魔王勇者-好學術嘅輕小說

4 月 3 日
魔王勇者係一套幾年前嘅動漫 我自己係接觸小說版 佢個故事設定好有趣 當勇者千辛萬苦去到魔王嘅宮殿 諗住同魔王對決嘅時候 魔王竟然係一個毫無戰鬥力嘅學者 仲夠膽死邀請勇者一齊見識呢個世界 去見識「山丘嘅另一端」 就係咁開始咗一段好有學術討論嘅旅程 成本書講嘅嘢都幾學術 例如有講唔同嘅金融制度 好似期貨資產值流動 又會講勇者=怪物呢個有趣嘅論點 唔明? 要打魔王就需要勇者呢啲人間核武器 咁打完魔王勇者去邊? 一個擁有超越凡人嘅力量嘅人 唔係怪物又係啲咩? 本書亦都有講戰爭同經濟嘅關係 中央國同外圍藩國嘅利益衝突 宗教信仰...等等好多而家社會都有嘅問題 當然佢講嘅嘢唔會好深入好複雜 但至少會令你發覺好多平時留意唔到嘅嘢 而且佢小說嘅寫法都好有趣 佢係對話形式去講成個故事 成本書你淨係會見到唔同角色之間嘅對話 唔會有任何第三人稱嘅寫法 雖然你會比較難明佢嗰一刻嘅故事背景 但係佢都有喺尾頁做詳細解釋 所以呢本書嗰陣時我都睇咗幾耐 因為有啲嘢睇唔明我都會特登去google😂 小說佢只有五本 動畫同漫畫就唔太記得 最後畀個封面大家望下 想睇輕小說又想學到嘢 個人幾推介睇下呢本
愛心
48
.回應 10
共 10 則回應
香港中文大學
睇動畫覺得魔王好正
B1 魔王嘅廢肉係好正😌
香港理工大學 土木工程系
仲有冇其他同類型既動畫 推薦? 好想睇多d 故事背景會帶有政治或經濟學既意味既番...
B3 我呢幾年睇少咗好多動漫唔太清楚 如果你睇完呢本唔夠喉 你可以試下ACG開post問其他人
香港中文大學
B3 狼與辛香料。
呢個經典黎 B5
B0 講到好似好好睇咁 B5 原來狼與辛香料係呢類型嫁
B7 因為我覺得好好睇所以講到好好睇😂
北京師範大學-香港浸會大學聯合國際學院
B8 Hi又係我 我喺B站睇過魔王勇者動畫