僑生有問題可以入黎問(附㩒錢/評點制/放榜/生活費/開戶資訊)

2020年4月28日 16:36
見最近好多人有入學/台灣生活問題 如果有咩問題都可以問我~ 講幾個多人問既先: 1. 台灣點㩒錢? 點樣換台幣最抵? 基本上香港提款卡開海外提款就可以係台灣㩒錢~ 台灣果邊每次最多㩒20000TWD/次,每日最多3次、Total 60000TWD... 我自己大學時期就經常去西門町間嘉盛旅行社度換錢,但係後尾發現其實海外提款(特別係中銀銀聯果張提款卡) 個rate都係差唔多... *個實際提款匯率同上網個rate唔同! 2. 申請評點制係咪好難? 申請本身唔難,但係搵到公司請你難。 同埋申請既時候個title要寫得好靚,唔可以寫助理,如果有XX專員、XX儲備幹部呢D通常都得! 舉例1: 男朋友讀動科、有獸醫診所intern經驗,interview完好幾間獸醫診所人地都話要請佢,一聽到要評點制就反口... 舉例2: 朋友讀體育,想做健身教練,有牌搵左好多間都唔請做full-time,搵左好耐先搵到肯請既健身中心...(個title唔可以係健身教練) *如果本身讀既科目比較專(e.g政治) 唔知做咩好,建議搵D需要廣東話/英文既工,請既機會會大D(e.g 客服,做一年再轉想返既工)。 3. 放榜流程 印象中我之前去攞分發書係去金鐘,說明會就係海華/合作既中學。 出發既時候各校港澳會會安排人接你地去到學校(鴨仔團😂) 所以只要準備好曬D野基本上就得!
4. 生活費 台北/新北地區租屋一個月最少6000-10000TWD 其他必須開支大概8000-14000TWD一個月(住學校附近平D... 唔計你去到台灣之後要添購既物品大概都要3000-5000TWD 5. 開戶 通常一開始都會叫你開個郵局戶口先 基本上都夠用(online shopping/實體碌卡都可以用),要注意既係台灣大部分都係金融卡(debit card),入面要有錢先可以用~ 如果你搵到part-time就有機會可以申請其他戶口黎出糧,舉例我第一份part-time係郵局出糧;第二份就國泰世華;第三份就玉山銀行😂 好處係"薪轉戶" (出糧戶口) 會有減免跨行提款手續費、轉帳手續費等,有時過數俾人都方便D~ Credit card暫時我問過都係要有full-time固定收入先可以申請,跟翻出糧戶口會容易D申請~ 當然啦,除左呢D問題,如果你地想問有咩美食(台北、新北)/有咩行街or拍拖地點/其他生活問題都可以問我😂 講住呢D先,有咩問題再問我~
111
回應 37
文章資訊
177 篇文章138 人追蹤
Logo
每週有 17 則貼文
共 37 則留言
香港職業訓練局 建築科技及設計
僑生一個人係唔係好難搵地方租
B1 無寵物唔難、校區附近易,最難既係租到一間合心水既😉
大仁科技大學
咁岩今日評點制結果出左,要補件,但未知要補咩,R緊頭等緊佢公文講 想問 1. 補件寄返比佢係咪又要等12個工作天 2. 係只寄缺既果一份文件, 定僱主+受僱人文件要由頭到尾印過曬比佢 唔該曬><
B3 男朋友整果時係公司幫佢搞,佢個問題係以為工作經驗計到分,點知原來唔計唔夠分,所以係全份再交過(要改份表同加減文件)。 全份再交都係要12日。
香港職業訓練局
如果我去讀文化既心輔系,畢業可以搵咩工😂 心理系既,好似好難搵工,而且又要讀到master 因我冇考過dse,又做左5,6年野跑去讀,目標純粹想留低。
大仁科技大學 藥學系
B4 多謝分享 唔該曬!
B5 你要望下無考dse報唔報到先🤔 我有朋友係大學文大社福系、master台大社工,考埋台灣個社工牌,就留係台灣 其實唔要求返咩,係台灣搵客服做一年再跳其他公司係最易。 Or睇下你做左5,6年咩行業夠唔夠經驗,直接投台灣d公司搵工唔讀u,佢肯請你夠人工你都過到去。
香港職業訓練局
B7 就係無考dse,我以前係vtc讀中專,依家又冇乜信心考,因為有信心早年就考左😂,然後返左中國讀。 畢業做左2,3年Waiter,然後做左一年廚房 再走去做地盤😂,順便走咪去讀左個兼讀毅進仔,原先想2019年畢業加入警隊,依家就不了 突然有感而發,就係想讀書,所以係台灣聯招既「單獨招生」中,申請左3間私立大學,因為國立我知自己冇乜可能😢 1,中國文化大學-收左,心理輔導系 但之後了解,心理系好難搵工 2,逢甲大學-唔收 因為報左工程🌚 3,輔英科技大學-收左 幼教系 最後得兩間收左,所以我選左中國文化大學,點解唔報多啲?因為中專成績唔見左,得張畢業證,問咗好幾間唔錯既私都要中專成績,所以我就只比左毅進成績報以上幾間,仲有啲過左時間,所以冇報。 但近期係網上了,心理系唔讀碩士冇用,又難搵工相關工作,所以怕好難70分,重點係我係用積蓄去讀,所以又要打工。 最後一個原因,點解想去台灣?唔留係讀香港hd?asso?因為就怕🇨🇳突然改制。將來亦無打算係香港發展,所以去台灣讀都幾好,至少國際承認。
B8 原來! 心理輔導系係台灣得好少學校有,雖然文大係私校,但呢科係好好(D老師同堂都好好,我妹上過!) 至於考master,香港人用台灣degree係易考D,我都係文大考上政大master! 至於評點制70分真係唔係太難!
香港職業訓練局
B9 我係有睇過,僑生以及海外既人士,報考台灣master,相較之下比本地人易好多,而且好似唔洗考試?我聽講本地人要去大學考試😂先有機入到master,真定假? 但我degrees畢業後,再讀碩士既話,讀完都30頭😂所以可以都係想畢業搵工,以後有機移民。 順便想問下,台灣有冇25左右既人先讀大一,怕同啲18至20既人有代溝😂
國立政治大學
我想問下呢~你一開始去台灣嘅時候行李有幾多?🤣因為我d衫都算幾多 一開始諗住帶一個大gip一個細gip同背囊 但我估都淨係帶到夏天衫褲鞋襪袋果d😂(我冇乜其他野但係全部都係扮靚果d☹️)係應該叫屋企人將其餘嘅冬天衫寄過去定係自己再返黎攞?🤔因為屋企人自己覺得寄比我好麻煩寧願我差唔多冬天果陣番去攞。。
B11 第一年我帶左total 38kg去😂😂😂 (30kg*1+8kg hand carry) 去既時候帶左部分冬天衫+大部分夏天衫 生活用品唔洗帶,台灣咩都有得賣😂 1月寒假返香港就再帶左好多冬天衫過去~~ 我果時慘D,去既時候台灣未有檸檬茶、維他奶賣 次次返香港都30kg返台灣😂有半gip都係野飲同野食lol
B10 視乎科系,少部分要考,你可以上海華個網頁望下! 如果U grad就搵,5年可以HF169移民~ 至於年齡問題,台灣唔少大學都接受parttime讀! 反而有好多姨姨、叔叔讀大學😂 25算好後生!
香港職業訓練局
B13 😂😂!啊姨,叔叔指既係幾大😂?因為我當時都比一個18 19叫叔叔。你以前係文大讀學士,咁係附近難唔難搵到兼職搵下生活費? 聽講上落山好浪費時間😂 亦想問一下,假設我分數到70,搵到一份工3萬新台幣左右一個月,都可以申請?唔洗好似幾年前38000? 申請永居前,每月平均月薪需4.8萬左右?姐係第4至5年,依個階段工資平均4.8萬就可以?係台灣做左4,5年野,月薪到4.8萬難?獎金加班,計?計既話應該就唔難。 雖然以後會變,但都想了解下。
國立嘉義大學 幼兒教育學系
B8 有無諗過入僑大,先修一年,努力考下試再重新分發
香港職業訓練局
B15 如果後生4,5年會考慮,依定咁既年紀😅,好難有動力拖多一年。
東吳大學
想問下一個人租屋有咩要注意?
香港職業訓練局
電話卡用邊間?因為用返旅行電話卡好唔底
長榮大學
你好啊 我九月會第一次飛台灣讀書,我想問開郵局戶口、電話卡(上網)等係唔係自己一個人可以搞得掂(I mean 需唔需要監護人簽名,我之前好似唔知係邊度睇到20歲以下需要監護人?)
B17 1. 最好唔好租地下室、頂加 2. 搵人陪你去睇屋,小心提防房東(特別係D大叔) 3. 睇清楚收費(電費、水費、網絡費) 4. 簽約既時候要一條一條睇清楚,有咩問題即刻問 5. 上網google下個地址有無發生過糾紛/奇怪野 6. 事前了解果區租金,唔好俾佢呃 (我之前係無同房東講自己係香港人,到睇左覺得ok先講)
B18 機場有學生plan可以購買,出示passport就買得 我自己用台灣大哥大,印象中4500台幣5個月無限上網、送幾百蚊台幣通話費(我上年9月買過一次),今次翻去既話我會繼續續期 另外提醒台灣既打電話分鐘(通話費)比較貴,建議儘量用whatsapp/line等打俾fd😂
B22 郵局戶口有雙證件就開得(passport+居留證)、電話卡可以係機場買學生plan,出示passport就買得 兩樣都係自己可以搞掂 *如果你要係台灣上台join電話plan就要監護人簽名
B14 發現無覆到你lol 啊姨,叔叔=40-50甚至年紀更大果D😂 係文大既時候無咩parttime可以翻,都係出面/後山D餐廳 我係後期畢左業、搬左落山先開始翻parttime ✔分數到70,搵到一份工3萬新台幣左右一個月---> 可以申請 申請永居果個好似係全年總收入/12 >48000就可以,印象中係最後一年夠就得,我未到果個階段未開始認真研究😂
長榮大學
B22 機場買學生plan 嘅電話卡包唔包埋上網通話費等等?(ps我上網見到就算買電話卡都需要年滿二十歲?)不好意思第一次去台灣真的有太多的問題🙏🏻🙇🏻‍♀️🙇🏻‍♀️🙇🏻‍♀️thanks
B24 包埋通話費(但係會用完,打電話計分鐘扣錢)、無限上網 佢會問你係咪學生,你話係之後俾passport就得
長榮大學
B25ok thanks 想問多一個問題,第一次去台灣未開戶口會帶幾多現金?🙇🏻‍♀️🙇🏻‍♀️
B26 我當年屋企人遲我幾日飛過去,所以我淨係帶左部分錢,好似帶左10000HKD左右,去到就有學長姐帶左我去西門町唱錢 後期我細妹去既時候,我地發現其實提款個rate都ok,大部分時間都會用海外提款就算(台灣果邊每次最多㩒20000TWD/次,每日最多3次、Total 60000TWD...) *通常我地學期頭都會帶現金去換,因為我屋企人通常都會過去台灣過中秋,我地會一次過唱10幾20萬台幣交學費+旅行,個rate會再低D
長榮大學
🙏🏻thanks
香港職業訓練局
B23 文大既時候?出面/後山😂?出面姐係指文大附近?姐係文大附近搵唔到兼職嗎😅?需要落山嗎?係山上有冇可能搵到parttime🌚?想補貼下自己生活費,怕自己既存款捱唔到4年😭因我只預左自己學費加租屋(希望年年都可以續到宿舍)最後想問一下,你當時有冇見過僑生係附近打工賺生活費(不需下山)
B29 文大既時候好多僑生係附近餐廳打工😂 要搵實會有! 不過留意部分人工會開得比較低+包一餐,到時可以問下有間叫赤鳥家,D飯好食人工都好似唔錯😂 P.S: 僑生每個禮拜只可以返20hrs,有人會返黑工(超過20hrs)搵生活費...
香港職業訓練局
B30 其實計返,同我以前係香港兼職差不多😂以前第一次兼職得28蚊港幣1小時😂香港依家最低時薪都冇台灣高,不過香港冇50以上都難請到人做餐廳。所以台灣158台幣一小時,算好高🌚 只係限制左時數,不過有包飯就可以慳一餐錢👍🏼 我會記住你講個間餐廳名🌚🌚飯好食才是重點 我只係比較好奇,台灣餐廳既工作量會唔會好似香港咁,一人頂3,4人😂
B31 校區附近 會分時段忙 個人覺得香港返餐飲辛苦100倍😂 P.S: 7年前我係香港返餐飲parttime已經50一個鐘😂去到台灣一開始得130twd既時候有少少接受唔到😂
香港職業訓練局
係台灣留學4年要預幾錢先夠? 計埋學費,如果4年都住hall,我預15萬港紙夠唔夠用4年?
B33 depends on讀咩大學同地區 私校一個sem就要6萬台幣、國立3萬左右 台北同台南生活費都唔同~
香港職業訓練局
B34 國立台北點睇?
一年學費當7萬、生活費當12000一個月,扣寒暑假有9個月係台北=178000一年,加埋宿舍要200000台幣咁上下 四年就要80幾萬台幣,就算你生活費少到8000一個月,15萬港幣都唔夠...
朝陽科技大學
想問一下,僑生如以來臺就學為由,申請多次出入境證,在填「中華民國臺灣地區入境居留定居申請書」時, 「居留設籍地址」這一欄要填嗎? 因為好像看網上說:房東一般聽到要租客要設籍的話,都不肯租的 是嗎?謝謝!