國立雲林科技大學

係台灣嘅大學校園生活

2020年4月29日 02:35
(補充:以下全部都只係個人體驗,歡迎交流) 啱啱先發現呢個版,台灣嘅大學生活其實都充滿樂趣,算係個小小分享。 台灣係同香港唔太一樣嘅生活模式,係中南部會更加明顯 希望可以透過分享令大家更加容易搵到自己想要嘅野係咩。 1.考機車 台北就無咩需要嘅,但如果你係台中南部,或者甚至係東部嘅話,揸住架車周圍走真係幾開心。約埋台灣朋友一齊衝上山個種感覺真係勁正,但要注意安全啊。順帶一提,最近螢火蟲季係時候衝上去睇下啦。我最近先第一次上山睇到一大堆螢火蟲飛嚟飛去( ꈨຶ ˙̫̮ ꈨຶ )
2.火舞 如果你鍾意啲好型嘅表演活動,咁火舞就好適合你!香港係禁止街頭表演火舞,但台灣就無咁多限制。 真係好型! 順帶一提聽講熾舞社出pool率高達80%。
3.應該係同香港差唔多嘅上莊 上莊、參與系會活動係最容易結識台灣人嘅渠道。揀你鍾意嘅社團嚟玩就啱! 跳舞類型推熱舞、funk一大團人一齊練舞表演都幾開心 音樂類型推薦吉他社或者係熱門音樂,會有好多表演機會同認識相同興趣嘅人組band 服務社團就係可以訓練搞活動嘅能力,通常感情都會深厚啲因為真係團隊合作但會食左你好多時間 基本上社團就會食曬你大一大二嘅時間 如果你係對自己未來識野目標非常清晰嘅話 都可以唔上莊浄係大一玩
呢個係啲木頭全部都係係學校颱風後組隊執嘅營火 😇 4.潛水 嚟台灣可以考自由潛水或者係水肺潛水,兩者之間嘅差別我就唔係度分析啦,唔識游水都可以考!水底世界真係勁安靜美好,早啲考就可以係大學四年多啲機會plan落水潛 (我之後先去考未有相) 5.周圍旅行 台灣唔似香港咁細 用好少錢就可以國內旅行周圍去 除左大家都知道嘅台北中南墾丁外 可以上山睇日出日落 順便推薦下綠島台東花蓮南投蘭嶼 (我目前浄係去過台東༎ຶ‿༎ຶ) 去清境摸羊仔 依家好似連鹿仔都有得摸 最理想嘅就係有個識渣車嘅台灣人帶住你周圍走 不過有香港朋友嚟搵你你帶住佢周圍走都得! 打工換宿都考慮得過
6.Igotoschoolbybike 台灣嘅校園好大 所以大家通常都會有架戰車係校園奔馳 尤其係我呢啲鄉下地方 好青春架都 就快讀大一嘅可以暑假練定車先 (無戰車相失策) 8.野餐 學校裡面周圍都係空臺草地 好容易就搵到地方野餐放風箏 自己準備水果野食薯片帶埋ukulele真係好正 (呢個我地都唔記得影相 😭😭😭) 9.如果你同我一樣係有毒毒buff 好多活動擺攤好平車費唔貴唔洗煩印刷網路上面好多台灣嘅朋友都可以同佢地見面啦! 10.同港澳生圍威喂 特別爽 可能因為大家都離開屋企好遠 所以反而會互相依賴 佢地會係人生裡面好重要嘅一班朋友
Bouns-可遇不可求愛情學分 係學校有人載你或者你載人 電單車有人載你或者你載人 一齊同居生活飲飲食食出去玩 一齊去做上面啲野 bonus part可能要靠大家分享我修唔到😭 見到好多人話同台灣人夾唔埋 我覺得始終都係有文化差異都好正常 而且其實係香港個情況都唔會話真係好大差距 每個大圈圈都會有啲小圈圈係度 最近要嘅係搵到自己嘅小圈圈 珍惜係U life擁有過嘅大圈圈 記住開心同唔開心嘅野 生活中所有不起眼的小事全部都係最重要嘅回憶嚟 (同埋有個男女朋友就差唔多可以充實曬你生活所有野) 希望大家有個開心嘅台灣大學生活! (因為疫情嘅關係,所以可能依家規劃定去邊之後再實行都唔錯架) btw有無人發現7唔見左 🤪
147
回應 57
文章資訊
Logo
每週有 17 則貼文
共 57 則留言
香港職業訓練局
謝謝分享不一樣的生活~
原 PO - 國立雲林科技大學
B1 捕捉夜貓×1
國立政治大學
1236810都唔認同 真係睇你讀邊間同個排好唔好彩
原 PO - 國立雲林科技大學
B3 大家嘅愛好唔同 所以生活方式一定都會有唔同 單係地理位置北中南部生活就一定會有幾大差距xD 好睇運氣又係真
見朋友係東部都成日親親大自然🤔
原 PO - 國立雲林科技大學
B5 我都好想去東部體驗下 成日都覺得個邊係好理想嘅退休生活環境 😂😂
靜宜大學
終於有人講火舞啦😍台灣畢業返想係香港推廣火舞藝術 Btw香港都有馬戲團《香港馬戲團》入面都火舞表演
東海大學
1 3 5我覺得係必要 但1我仲未識呀呀呀(இωஇ )
原 PO - 國立雲林科技大學
B7 我聽師兄講有啲難 因為香港街頭禁火 不過自己覺得光球光棍頂住先都好正
原 PO - 國立雲林科技大學
B8 加油可以計劃下快啲學! 我大三考完買車 覺得自己咁遲考真係好傻仔 😭😭😭
香港中文大學
希望疫情快D完 想去台灣exchange
銘傳大學
我都考左潛水 嗰時特登去小琉球學😍
輔仁大學
我黎到先發現原來好多香港人啲普通話真係可以好差😂 唔知關唔關事 但我係完全冇口音 所以好多台灣fd 比啲建議新生 真係努力啲學好佢 易啲融入台灣人圈子
世新大學
一開始勁抗拒黎台灣讀書 但係而家已經完全愛上呢個地方 😂
國立政治大學
蘭嶼真心正 一定要去~
靜宜大學
B9 相入面果個係你❓我都係火舞社😂有冇興趣交流吓🤔我有參加過香港馬戲團嘅表演,識左個都係台灣嘅大學畢業返黎香港,又係火舞社嘅人
香港都會大學
之前同Best friend黎台灣 一齊係綠島打工換宿 雖然兩個都曬到成舊炭咁 但果段回憶真係一世都唔會記得 係我人生so far最開心既日子 好掛住台灣啊🥺
中原大學
仲有夜衝上山文化 一開始真係唔get😂😂😂😂
香港大學
好羨慕🥺
嶺南大學
搞到我突然間好想去轉台灣😫
原 PO - 國立雲林科技大學
B11 我都想快啲完 好掛住屋企 暑假都唔知道翻唔翻到去 😭 B12 正呀喂!考完有無去潛呀 💙 B13 我自己覺得有口音唔緊要呀 敢講同聽得明比較重要 台灣朋友話我有口音個陣講野可愛啲 🥺 B14 台灣係個有多啲生活嘅地方 我都鍾意左呢度 💙 B15 有無行程推薦或者靚相!(垃圾伸手黨) B16 係我師姐嚟 我玩poi同poi旗架但好廢學三花四花個陣放棄左 😂 棍浄係識入門招 唔介意我虧都可以交流呀 B17 我一路都好想打工換宿 但個個暑假都太掛住屋企翻左香港 見到人地打工換宿啲圖張張都一大堆人玩得好開心 我都好想去 🥺💙 等之後開關就可以plan多次旅行! B18 依家大四諗翻真係危險活動嚟 唔知點解個陣咁鍾意覺得好好玩 第一次坐人後座上山嚇死我 但個陣晚晚都衝得好開心 😂😂😂 B19 我都好羨慕香港啲朋友好多都可以去外國exchange 我呢世人重未出過亞洲 🥺🥺 B20 其實香港都有香港好 台灣僑生係無可能申請到exchange 同埋無可能返工賺到出國旅行嘅錢 相反你係香港讀想去外國去邊exchange都得 同frd周圍玩咁都好正 🥺💙 不過如果想體驗下嘅 其實嚟旅行都可以做到潛水打工換宿個啲架!
匿名
這則留言已被本人刪除
已經刪除的內容就像 Dcard 一樣,錯過是無法再相見的!
中國文化大學
台北好悶 真心
國立臺灣大學
點解我係台北剩係lab, liba,同埋宿來回😢 最多行下陽明山行下西門町已經好奢侈哈哈哈
國立嘉義大學
南部既朋友👋👋👋👋 我就系台灣讀5年,同老公結婚,返左香港做野2年。上年一家大細搬返黎台灣啊~住我最中意既嘉義😍😍😍
香港浸會大學
B25 你係個邊搵到工作呀?
國立嘉義大學
B26 老公台灣人啊~我地返香港草左啲返台灣開間小店啊~ 南部消費低,創業夢仲可以發下。可惜遇上武肺
靜宜大學
B21 當然唔介意啦,難得搵係台灣讀大學又有玩火舞嘅同好,想一齊玩吓
靜宜大學
B25 嘉義屬於南部🤔😂
國立臺北科技大學
終於有香港人係台灣玩過火舞 真係好特別 番黎香港幾年做野都未再掂過⋯⋯⋯好懷念 香港好似冇地方比你可以練
國立嘉義大學
B29 濁水溪以南,雲嘉南一區,嘉義系南部啊🤔
成班人一齊夜衝一齊洗車真係好正
原 PO - 國立雲林科技大學
B23 台北有好多藝術展都唔差,都好多音樂節同同活動可以去!潛水搵人陪都會容易啲。 但依家疫情咩都無曬... 假期去下cafe開心下、去基隆睇海都唔錯,住雲林內陸地區嘅我好掛住海:0 B24 你個科係咪好chur啊...都係讀書為重嘅 B25 嘉義近呀 (・∀・)!呢邊除左空氣差我覺得其他野都好好 B28 我上次玩都係一兩年前,依家忙到無時間練都無上火,都好掛住 B30 我一個香港師姐帶我入去玩架,其實都唔少人有玩過但無蒲頭好難識 之前翻香港諗住去球場練 😂😂 攞住LED poi或者棍玩住先🥺但無上火硬係差啲野 B32 我都覺阿阿阿阿阿但我無洗車個part 好懶 🤪
國立臺北科技大學
講起都掛住陣煤油味😂
靜宜大學
B30 交流交流😂 B33 啱啊!玩開嘅人冇唔蒲頭,我都係參加馬戲團知識得另一個同係台灣嘅大學畢業返黎嘅火舞者 原來都諗住po文睇吓有冇火舞界嘅朋友,但我諗武漢肺炎搞到咁,有都又應該未必會出黎
輔英科技大學
自由同水肺個分別係水肺要用氣樽 自由靠果啖氣潛落去 兩種玩法
香港專業教育學院
睇落好正 好想去台灣讀一次🥺
中原大學 生物科技學系
睇你讀邊科啦,讀正我嗰科一個學期22 credit真係屙屎都唔得閒,仲邊有時間去玩😭😭 利申:好羨慕B0🙈
香港科技大學
其實讀書也十分重要,多花點時間跟教授打好關係,並且寒暑假做老師的研究助理,對以後升學或找工作要推薦信絕對是百利而無一害。
原 PO - 國立雲林科技大學
B34 我都好掛住 😭😭同埋個啲黑左嘅白T B35 嚟啊等我之後翻香港 你係玩咩架 B36 Yesss識野!自己plan緊考自由潛 B37 可以考慮下exchange最好九月開學個陣嚟,搵支莊玩就會有一大班人一齊 啱啱開學大家唔會咁快有小圈子同嘈交 😂 B38 我自己讀設計加埋轉系都忙到仆街 個個sem都至少20credit 聽我講 放棄訓教就得架啦 (危險發言) B39 其實都係 大學始終係學校 所以自己分配時間都幾緊要(・ัω・ั)讀書呢啲唔開心嘅野就唔分享啦
靜宜大學
B40 你幾時會返香港啊? 基本上長棍、雙短、poi、流星、小火棒、火扇、火刀都用過黎表演,依加主要練長棍Contact招&龍棍。火旗同火手裏劍都有玩過吓,但未用過黎表演😂之前係馬戲團學過少少呼拉圈
原 PO - 國立雲林科技大學
B41 有排啊應該 九十月? 頭先google左原來香港有人玩緊 我以為得迪士尼裡面啲表演先玩得 😂
靜宜大學
B42 交換聯絡?
原 PO - 國立雲林科技大學
B43 唔好啦唔想違反版規🥺 有咩想share都可以呢邊講!
靜宜大學
B44 咁好啦😂 推一推我個社先😂靜宜大學火舞魅力研究社fb page,可以去like一like 依加第四屆,知名度唔高😂有多人都唔知靜宜有火舞社
國立臺灣大學
B33 um...我都係喺臺灣讀書嘅但係其實都有好多僑生申請到去外國交換,去捷克、法國 美國既UC、 A&M,易啲申請的話有韓國同日本 ,唔介意去東南亞國家仲有新加坡、大馬、泰國俾你揀,以上全部都係我身邊有僑生朋友成功申請去exchange例子,我自己就去咗西班牙。
原 PO - 國立雲林科技大學
B46 um..我係因為錢 我自己學校無exchange獎學金所以經濟上難承擔
國立臺灣大學
B47 唔好灰心啊 我都係靠喺寒暑假返香港PT 另外再喺臺灣有申請獎學金 (不過一個學期得一萬🙃) 加上做下系辦工讀生同TA。 我知道有校外機構會特登提供交流獎學金 你睇下有冇得申請?
原 PO - 國立雲林科技大學
B48 無啦 依家大四了 無機會了 ༎ຶ‿༎ຶ
國立臺灣大學
B49 幫qq