東海大學

台灣的小小知識

2020年5月16日 22:00
見到呢到都有幾多同學仔下年會過台灣讀書 所以就分享下我覺得你地唔知都冇影響 但知左會幫助唔少既小小台港差異 1.日期寫法 香港寫日期會日子放前 月份放後 但台灣係倒轉 月份先日子後 eg. 9/1 香港係指1月9日 台灣就係指9月1日 2.簽名 香港既簽名多數人會好似畫個鬼畫符咁
但係台灣既簽名係要求「寫自己個名」所以去到台灣但凡遇到要簽名既文件一律寫名一定冇死
3.民國 應該都有幾多人係填海華張form果日都遇到 台灣係用民國表示,香港係用西曆 而民國既計算方法就係將西曆減1911 eg.2020年-1911=民國109年 4.菜單 好多時候出去食野要劃單 香港既方法係直接寫數字 但台灣係習慣寫個正字
5.牛肉湯麵事件 呢個係香港同台灣既差異性 話說小妹岩岩去到台灣食既第一碗牛肉湯麵 我既想像係牛肉+湯+麵 但現實係牛肉湯+麵 一個係牛肉湯麵 一個係牛肉麵 反正去到台灣要睇清楚菜單 都好容易明瞭既因為個名就會包括曬所有材料 (仲遇過花生豆花事件 反正要小心睇清楚菜單) 6.食飯時間 台灣食飯時間偏早 尤其晚餐 通常6點左右就會食 所以你太晚先去買飯有機會已經收曬舖 7.1 包裝紙巾 食完野就要用紙巾抹嘴 但台灣人用既紙巾係非常非常非常薄 如果一個唔好彩問佢地借紙巾去廁所 可能要用一整包先夠 所以可以的話就買定多d紙巾拎返台灣 但其實台灣屈臣氏都有但只係冇temple咁煙韌
7.2廁所紙巾 香港多數用卷裝紙巾 台灣多數用抽取式 住宿舍就冇咩問題既 但出去租屋住要特別搵卷裝紙都唔易 超市睇淨係得2款可以簡 仲要都係薄過香港用開既好多 咁 如果你個喼有位就裝d卷紙去啦.. 8.廁所 講紙巾順便講埋廁所唉 台灣大部分學校廁所都係踎廁 (起碼我果間係 唔知其他學校) 除此之外 不論踎廁定座廁 用完既果張紙巾係要dum落垃圾桶 而唔係個馬桶到 好似係咩管路問題 所以你dum紙巾落馬桶有機會堵塞 不過有d地方(機場)已經推動既可以直接dum落馬桶 但大部分地方都係dum垃圾桶
9.時間 香港慣講幾點答幾 因為轉唔到做普通話同埋台灣人習慣講幾點幾分 所以都係要跟佢地講法 幾點幾分 10.1公車刷卡 去到台灣手上一定要有張悠遊卡 好似香港既8達通咁 我知道有d學校既學生證就有悠遊卡功能(沒錯就係我間學校 其他唔清楚但大部分都有) 10.2公車刷卡 每個地區公車刷卡方式唔一樣 但台中係上落車都要刷卡 如果落車miss左刷卡 咁你下次搭公車上車刷卡就會扣你錢 (順便講句台中搭公車每日頭10公里免費) 另外記得要嘟岩位 唔好嘟左顯示屏果到 感應唔到架 🤣
講咁奈其實有冇人仲想知 我驚打太多但冇人睇😐 歡迎其他學長姐補充~ ps.所有圖都係google
155
回應 36
文章資訊
Logo
每週有 17 則貼文
共 36 則留言
淡江大學
我初初去到都有依啲文化差異問題😂😂 好有用
淡江大學
食野真係好銀唔方便 超早閉門 下午仲要有休息時間
靜宜大學
第9個,講幾點搭幾國語係講到,馬來西亞人就係咁講(幾點幾個字),係台灣人唔明姐
香港中文大學
多謝原po,呢啲生活細節早啲知會方便好多,我嚟緊都會去台灣exchange
國立政治大學
3. 我數學唔好,直接減11方便啲 1911呢個數太大,好難心算😂😂
國立政治大學
10. 補充多個 台灣等公車唔似香港咁有一條隊等果一架巴士,而係一堆人企喺巴士站,見到自己果架就上 而且無分前門上車後門落車,而係前後門一樣可以上落車
國立臺灣大學
台灣真係勁早就食飯 試過9點想食subway 諗住連鎖店應該仲有嘢賣嘅 點知乜都冇囉 想補充一點 台北嘅交通勁混亂 明明係綠燈 啲車都係可以轉過嚟 每次過馬路都心驚膽跳😱
香港科技大學
台灣食飯限時限刻,唔似香港三點三落去食tea。另外所有地方上下車刷卡,如果忘記了就被鎖卡另外繳解鎖費。最後就是學一些台語,因為就算用普通話交談都會夾雜幾句台語,就像香港人講話都會偶爾講幾句英文一樣。
巴斯大學
想知花生豆花事件係咩😂 花生+豆花 花生+豆+花 花+生豆+花?
原 PO - 東海大學
B1 係呀 呢d真係會去到先知 B2 d店舖真係淨係開早午晚時段 B3 係 但去到都係遇到台灣人多所以冇特別講 B4 係台灣挽得開心d ♥ B5 我係每過一年加一 廢事記🤪 B6 沒錯 反正見到門就上 另外見到架車到就要招手唔係既話佢會直接飛過你 B7 咁誇張?9點應該都仲好早.. 我諗成個台灣都係 綠燈過馬路都係要睇車😵 B8 除左台語仲有注音 有時會夾雜幾個注音 B9 花生+豆花 你d想像力都好豐富下😂
逢甲大學
⚠️補充~在台灣請記得落實垃圾分類哦! 題外話:台灣詐騙集團很多 有網購習慣的同學要注意,有時候你的資料可能外洩了,然後詐騙集團會假冒警察或銀行人員,當他們要求你操作atm千萬別傻傻聽話,有疑慮可撥打165反詐騙專線 (身邊就有僑生朋友被詐騙QQ)
香港科技大學
B10 仲有就系要有心裡準備經歷地震,我第一次驚到衝出去,第二次就氣定神閒繼續訓覺。學校有教點樣捐檯底但我覺得去洗手間安全啲(因為有水源可維生和滅火)
國立中央大學
這邊的老師上課要簽到的,連研究所也不例外,跟我在香港唸大學的時候很不一樣。
香港大學
多謝樓主 你分類得好清晰易明啊 (btw記得唔好買tempo,藍、武漢製)
香港大學
B11 曾經被那個愛心筆騙了 有那兩個年輕妹妹哄買東西給他們賺畢業製作費,他們拉著我和同行友人不放,趕時間只好給點錢脫身。 回家上網搜尋,說是台灣騙旅客的經典手法。
香港浸會大學
多謝原po咁用心寫咁多字啊啊😍我上次去台灣一個村入面住咗幾日 村民都提醒我地唔好dum紙巾落廁所 但都好唔習慣!!有時會勁順手dum落去 同埋要執廁所果袋垃圾果陣 真係覺得好核突!!😂😂😂
國立中央大學
B16 仲要拎住袋垃圾追住架垃圾車跑,一開始都唔習慣但番番香港居然去完廁所想搵垃圾桶😂
香港科技大學
B17 目測台灣的垃圾桶是香港的十分之一,所以行完夜市隨身帶定袋仔裝垃圾😂
原 PO - 東海大學
B11 垃圾分類真係好重要 冇分好佢地有權唔收你垃圾 B12 呢個一定要去到台灣先體驗到🤣 B13 所以不難看到有人簽到完就走了 B14 我呢家先發現我打錯tempo 不過我都直接過到台灣先買 B16 其實我都仲未習慣到🙊
香港浸會大學
B17 即係要自己落去dum落垃圾車?(係咪學校宿舍先係咁?)我地上次係猜輸咗果個先去廁所執垃圾😂😂😂不敢直視袋入面D紙巾
國立臺中教育大學
台中10點後冇公車 玩太夜要行反去 詐騙成日都用12嘅倍數尼𧦠人 住宿舍最少都4人房 有見過一間房要住10個 住宿舍會見識到人生百態
國立中央大學
B20 住學校後門透天厝才要,沒住學校宿舍不清楚。
香港科技大學
仲有買嘢保留發票,每單數月25日對獎。我就直接用手機載具,每次去超市都先掃一掃碼,中獎就直接劃撥入銀行戶口。
國立臺灣科技大學
好詳細呀!!!讀完兩年回港工作人表示👾
香港浸信會醫院專業教育學院護士學校 護理系
想問台灣人啲英文係咪麻麻地?每次打lol打英文,啲台灣人就話:說三小?林北哦?幹你娘說中文?不會說人話嘛? 老實講廣東話你唔識唔緊要,英文都係國際語言啊,究竟佢地係真唔識定純粹想串人?我已經用好多入門英文,打字快嘛,但成日打完比人針對....
國立中央大學
B25 我們快就打英文,他們懶就打注音。 或者說,講話夾雜英語的比例比香港低很多。
香港浸信會醫院專業教育學院護士學校 護理系
B26 我是不理解他們生氣的點,而且我打全英
國立中央大學
B27 覺得你高傲吧,或者在show off English.
香港中文大學
b25 不會啊 我們英文不差啊 不過如果你在台服的話打英文幹嘛@@ 入境隨俗的概念吧 像我來香港也學講廣東話而不是要求大家跟我一起講普通話 我講普通話也快很多啊 但也不會要求大家一起講普通話囉 利申:留港台灣人
香港浸信會醫院專業教育學院護士學校 護理系
B28 B29 我...只是剛好不會打倉頡速成😂 但還真遇到很多愛嘴的玩家
香港中文大學
B30 不然可以玩美服呀 美服其實也蠻好玩的哦 😂
香港浸信會醫院專業教育學院護士學校 護理系
B31 網絡不行XD
香港中文大學
B32 我家網路是HKT 打起來還行😂
實踐大學
牛肉湯麵真係大伏黎😂 岩岩黎個陣嗌左個 滿心歡喜諗住食牛肉 雖然係幾香 但得麵內心失落左下 仲有個紅茶霜淇淋 我以為係紅茶味雪糕 點知原來係紅茶加舊雪糕 🤣🤣🤣
東海大學
直接覺得台灣啲紙巾太薄 去Costco 買卷紙學期頭買到而家都未用完30卷
通報 📢 好像有人對這篇文章有新想法唷,快來去看看!