國立聯合大學

[文長]HF169過程分享

2020年10月13日 17:35
前情提要
大家好 今朝上移民署網站查申辦進度 上面寫副本已核發🥳🥳🥳
imgur
交左件唔夠兩星期 估唔到咁快 跟住應該係等佢寄到屋企 同埋開始認真計劃下未來一年美好嘅台灣生活🤤 {⚠️以下係我呢幾個月嘅心路歷程 文長+1999注意⚠️} 原本諗住今年年頭過去做體檢順便交件 又可以睇下屋諗下住邊區好 但多得疫情關係辭左職又走唔到又搵唔到野做 所以決定係香港交件 想等佢一開關就可以過去 1.良民證 當初無諗到40樓認證會咁難預約 只係睇到警總個預約都好full 所以9/6睇到6月尾有得做就即刻book左 然後不停打電話去11樓預約拎推薦函 11樓好似只預約到一至兩星期後 好難就到同一日拎推薦函加去警總 所以我分開兩日去 帶身分證副本去到11樓填表 佢會比張手寫信你
imgur
帶住呢封信,身分證明文件同入左錢($225)嘅八達通係預約左嘅時間上警總14樓申請 申請表可以上到去先填 雖然預約左但我個日都等左差不多兩個鐘 大約3-4個星期會收到台北辦whatsapp通知良民證到左 上面有個最好係幾月幾號前交表 跟呢個日期前交件就ok
imgur
2.保證書 之後係一段漫長嘅等待 係呢段時間可以聯絡你嘅保證人 幸好當初讀書時識到好好嘅台灣朋友 佢地一直好支持好想我番台灣住 所以搵保證人我無遇到咩困難 「保證人非二親等內血親或配偶加附保證人之在臺灣現職證明,並須親臨移民署各服務站查核」 所以要請台灣朋友申請佢嘅工作證明 填好保證書 然後去移民署蓋章再寄黎香港
imgur
3.影相 呢段時間可以去埋影相 相要白底彩色 規格同台灣國民身分證照片一樣 可以上網搵定個尺寸去影相舖揀
imgur
香港交件用左兩張(申請表,健康檢查項目表) 之後居留證副本換正本好似要多一張 我係一直都搶唔到40樓認證 本來已經打定輸數當跌左$225同準備預約多次做良民證 點知8月底佢另外開放「兩週後證件即將逾期案件」特別名額 所以先順利約到驗證 4.身體檢查 當確定有得驗證我先上網搵有邊度有台灣移民plan做 當時只有仁x醫務集團($1xxx)同港x醫院($24xx) 然後比較埋出面化驗所散做價錢都要二千幾 最後決定去港x醫院做 期待可以一分錢一分貨 我1/9去做 第二日就打比我話出左報告叫我上去拎 點知驗到麻疹抗體個項為「未確定」 但醫生都係剔左合格 仲有免檢個兩欄無幫我剔 我仲要番屋企先見到🤦🏻‍♀️🤦🏻‍♀️🤦🏻‍♀️ 即刻打去屋企附近醫務所睇下邊度有麻疹針打 醫生話前個排爆麻疹 所以藥廠都缺貨 我個支已經係倉底 打完針拎張醫生紙同針盒番醫院叫醫生幫我剔番好張報告 5.身體檢查公證 之後我就大安旨意等驗證 完全忘記要做公證! 大家唔好好似我咁傻💩 第一次上到40樓先知要去公證 即刻上網搵到灣仔葉x鄧有得做 ($2500) 律師樓話一般需要醫院覆後三個工作天先可以完成 我話我urgent一個星期後要再拎去做驗證 拜托佢地盡快幫我做 呢到出問題嘅竟然係醫院 醫院話佢地經法律部門同高層指示先覆得律師樓 所以大家做身體檢查之前記得要同醫生確定佢地可以幫你處理埋公證呢步 唔好好似我咁瀨晒嘢 追左三日醫院admin先肯幫我初步覆律師話有我呢個case 多謝律師樓係醫院覆完即日就幫我做起份文件 🙇🏻‍♀️ 6.工作證明 「畢業回香港服務滿二年之證明文件」 呢度一定要去稅局申請稅務資料 而稅務資料係跟課稅年度去計 即係4月1日至下年3月31日 而且仲要睇僱主有無幫你報稅同稅局處理左未 例如我2016年11月開始番工 應該2018年11月就滿兩年 但我2020年1月底申請張稅務資料係咁
imgur
只寫到2018年3月31日 唔夠兩年 所以建議大家計清楚 同埋臨去驗證前先去申請都得 申請方法係去灣仔稅務大樓1樓詢問處撳飛仔 到櫃位同職員講話要移民 要申請張工作證明 佢會比張紙仔你填要邊幾個課稅年度嘅資料 對埋身分證就拎到 7.驗證 無乜好講 最難係預約 申請表去到有得填但最好填好去 我去兩次都見人要填好先可以撳飛仔排隊 每份文件要單面影印 真係漏左影40樓有得影印 $2一張 身分證同護照都要影印 驗證一份$120 2個工作天嘅下晝有得拎
imgur
知道幾時有得拎件就可以打去11樓約交件 8.交件 終於行到呢步 執齊文件 申請表(要借台灣地址同電話),身分證護照正副本,保證書,驗證過公證過嘅健康檢查表,驗證過嘅工作證明,分發書,畢業證書,香港或澳門居民身分確認書,航空回郵信封,$345
imgur
然後就完成啦👏🏻👏🏻👏🏻👏🏻👏🏻👏🏻 我嘅分享好長好噚氣 感激大家睇到呢度🙇🏻‍♀️🙇🏻‍♀️🙇🏻‍♀️ 經歷過幾次心情大上大落 真係心血少d都搞唔掂 其實除左提早做良民證同等保證書 基本上我係9月內做好成個過程 好多步驟好趕 無時間搵多d資料 例如後尾上網睇到有個律師做公證好平 但要再譯中文 希望可以令大家行少d冤枉路 有緣台灣見 ——————20/10/2020更 由交件到今日剛好20日 中間夾左中秋同國慶連假 朝思暮想嘅居留證副本終於到手啦😆😆😆😆😆
imgur
140
留言 233
文章資訊
共 233 則留言
多謝你咁細心分享啊!! 恭喜你順利攞到🥰🥰🥰 我都努力緊! !下個月做良民證 體檢同公證😽 都終於預約到12月40樓驗證文件,簡直難過搶演唱會飛 想問你攞到之後都係要等開關? 定係其實係可以過去隔離14日 有緣台灣見!
國立臺灣大學
想請問稅務資料到最後係點處理阿??
銘傳大學
多謝你分享丫解釋好詳盡 我而家都申請緊 睇完起碼大概知個流程要點🙏🏼 另外想問吓你知唔知而家申請完入境台灣 係咪一定要去發出居留證先可以入去? 定係可以用Passport當旅遊人士入咗先響台灣再去攞? 因為聽人講居留證可能等好耐都未出到😞😞
原 PO - 國立聯合大學
B2 到9月份我再拎嘅時候18/19年度已經更新左 唔知係咪因為我離左職 1月底我問過稅局 佢話如果急住要就要清稅先 B3 而家應該只能等副本出先入得 疫情關係都無落地簽做到 前個排耐係咪因為香港郵政派少左信?我朋友寄保證書都寄左3個星期先到
銘傳大學
B4 唔該晒你😊 希望如果有你有update可以再通知我下 十分感謝🙏🏼🙏🏼
國立政治大學
多謝你咁細心既分享🙏🏻🙏🏻🙏🏻
國立成功大學 都市計劃學系
見過最詳盡嘅分享! 請問有冇需要用當初入境嘅入台證?
原 PO - 國立聯合大學
B7 我交分發書+畢業證書 當初第一次我好似用落地簽入台 一早dum左啦
國立臺灣大學
好詳細阿~請問係咪收到副本就可以訂機票過台灣啦?
國立成功大學 都市計劃學系
B8 想問下如果只係得張畢業證書得唔得? 我好肯定入台證同分發證都冇dump到 但搵唔返
想請問HF169申請表係邊度有得下載/拎?
原 PO - 國立聯合大學
B10 我只係分享我嘅經驗 其他做法我無辦法答到你🙇🏻‍♀️可能要直接問移民署/台北辦會準確d B11 台北經濟文化辦事處網站 有齊各種所需表格
原 PO - 國立聯合大學
B9 suppose係 依家唔知會唔會因應疫情變
淡江大學
多謝樓主細心分享!!
恭喜恭喜🎉! 想問下係咪可以入境啦🥺
原 PO - 國立聯合大學
B15 係啊 隨時買機票就飛得 但我應該會過埋年先 費事孤伶伶心思思😅😅
淡江大學
上網搵資料成日都見到啲人講要等第三年稅季先會見到個兩年 其實有冇人知道假設今日係岩岩好滿左第二年又想快啲係稅單見到 有冇啲方法😂
原 PO - 國立聯合大學
B17 我年頭有問過稅局職員 佢話要辭職然後填表清稅 交晒稅就會有齊資料 但咁代表辭職到你去台灣之前都唔可以再做野
淡江大學
B18 thx 咁我儲多幾個月錢先😂
南臺科技大學
我宜家準備公證body check report啊 但係宜家先知要分發書 想問下知唔知有copy得唔得😭😭我搵唔到正本😢
想問下保證人證明係咪都係三個月有效期😂
淡江大學
B4 想問下你果陣係咪一份文件做一次公證 定可以做曬全部文件先一次過去做公證?
原 PO - 國立聯合大學
B22 公證定驗證? 公證只有身體檢查表要 但我有補打針 我就兩份夾埋一份做 驗證就分左兩次做 一次做工作證明 一次做公證完嘅身體檢查表 原因係第一次去驗證先知身體檢查要公證🤦🏻‍♀️
原 PO - 國立聯合大學
B21 佢無特別寫 我都係壓線三個月內 比我就唔會搏😅
玄奘大學
想問下稅局証明會唔會睇入息高低或者比人問😅 畢業後2年都冇係香港做😫 依家應該得份parttime 有報上去 正職直接收cash但我估老細應該冇報上去😫
逢甲大學
多謝分享,我都想申請 希望可以成功
淡江大學
唔好意思想問下姐係成個手續都唔洗去台灣就可以搞到?同埋係咪唔一定係台灣搵到工作都同證明都可以申請?只要有本地既2年工作證明就可以?😭😭
高雄醫學大學
唔好意思,想問吓知唔知 清稅嗰度,由清稅到攞到工作證明需時幾耐 依家好糾結🥲
東吳大學
您好,想問一下交件的時候分發書是必備的嗎?還是有畢業證書就可以了
南臺科技大學
B27 1.係 2. 係唔洗係台灣做嘢 3. 要2年有係香港報稅就得 B28 清關同攞工作證明都係即日攞到 但係你清關需要喺而家間公司(in case你仲做緊嘢)比IR56G你 先去稅局搞 B29 我問過佢係話畢業證書就一定要有 係分發書係多一個證書姐 如果你有其他咩入學通知書都可以攝埋入去一齊俾佢
淡江大學
B30 唔好意思,想問下姐係只要有兩年本地既工作報稅就可以係台灣申請HF169拎到居留證?
國立成功大學
想請問 呢張居留證副本有效期係半年 入台之後更換既居留證正本係有效期幾耐?
國立東華大學
想問下交表果陣有要求你交回鄉證😿
國立暨南國際大學
想問下樓主洗唔洗Cancel埋特區護照?
東吳大學
想請問交件的時候 台灣的畢業證書有需要附上什麼嗎 上面寫中央目的事業主管機關核准證明文件是什麼呢?
朝陽科技大學
我見到台經辦網頁上寫 執業證書、工作證明等 『工作證明』、『執業證書』、『專業資格證書』及其中文譯本等驗證應備文件: 經香港國際公證人驗證以上文件的正、影本。 *驗證之文件請先送香港國際公證人辦理驗證,倘文件頁數超過一頁,裝訂後請香港國際公證人於首頁蓋上火漆 所以收到稅局嘅入息證明係咪先送去香港國際公證人辦理驗證再送去40樓驗證?
輔仁大學
想問一問 保證人要親身到移民署 定 可以郵寄之後再寄返香港?
國立臺灣大學
工作證明一定要稅單?其他證明文件得唔得?
淡江大學
B38 唔得
國立臺灣大學
B39 ok thanks
淡江大學
好奇問下 有冇勇者就黎夠兩年 但係又未報過稅 之後又想要兩年工作證明😂 我見話就話做清稅個下會有個兩年既紀錄 但係又要辭職先搞到 😟
國立中正大學
B41 如果唔想清稅,應該等到6月左右去稅局申請就會睇到2年 樓主去左台灣未?容唔容易搵到工,唔知住唔住台北好
國立暨南國際大學
Hello 師組唔好意思我想問HF169對薪資金額有冇要求,定只係要2年經驗?
國立中正大學
B43 沒要求,只要2年報稅記錄
亞洲大學
驗證文件分二項 係揀其他定移民? 今日預約到6月都冇位🤦🏻‍♀️🤦🏻‍♀️🤦🏻‍♀️好誇張
請問有冇人知道驗證係揀其他定移民?
輔英科技大學
想問下樓主,依家係香港返工返左就嚟年半,冇轉過工,老細應該冇幫我去報稅,如果依家報返洗唔洗重新計返2年?
淡江大學
想請問原po户籍係入朋友家嗎?謝謝🙏🏻
南臺科技大學
B45 B46 移民
南臺科技大學
B47 係計有冇報稅 冇報就要由零開始