#分享 台灣返香港要做既準備+返到香港機場流程+華美達海景酒店(文長+有相)(更)

2021年6月22日 13:37
已經喺台灣住咗五年,如果唔小心轉咗書面語又或者覺得我啲用字有啲怪,覺得好介意嘅人依家可以出返去。😒 我本來諗住6月返香港,等到5月中突然話台灣返香港要住隔離酒店,跟住我就開始上網睇吓返香港要準備啲咩,依啲資訊可以喺香港政府個2019冠狀病毒病專題網站搵。報告同證明文件嘅問題喺常見問題應該會搵到答案。
因為我冇打疫苗要住21晚檢疫酒店。要準備嘅有 1. 飛機起飛前72小時檢測陰性結果證明 2. 指定檢疫酒店21晚預訂確認書 3. ISO 15189證明文件 5月15號買咗HK Express6月20號台中去香港嘅機票
我之前幾年都係搭中華航空未試過俾人取消航班,所以買完我就冇再留意。點知到咗五月尾見到有人喺Dcard度留言話佢好似取消晒6月航班。😱 因為嗰陣時已經係5月31號,所以到咗第二日我就即刻上官網問客服係咪真係取消咗咗,因為我睇返電郵佢哋根本都冇通知我取消航班。無諗到第一次買廉航就俾人取消咗班機。😂問完就即刻預訂長榮航空台北去香港。
比廉航取消過航班之後,我買完機票都會每日去睇吓航班有冇被取消。😅 我嗰陣時係5月17號去搵酒店,仲未見到第四輪檢疫酒店名單。 從嗰日開始我每日都上網睇吓幾時公布第四輪檢疫酒店名單。 等到20號終於公布咗,然後喺23號我預訂咗華美達海景酒店。
自費檢驗COVID-19 至於喺邊間醫院可以做,可以喺台灣衛生福利部疾病管制署 睇返自費檢驗COVID-19指定機構,有齊全台灣自費檢驗 COVID-19指定醫院。我睇名單又變少咗,記得睇清楚先去預約。🧐
5月20號開始搵台中可以做自費檢測既醫院。最近係中醫大醫院,但係見到要現場排驚排唔到所以冇揀,睇完資料揀咗榮總。榮總做快速檢驗要預約加文件審查可以優先看診。 記得唔好太早預約,我做嗰時佢有寫明開放網路預約時間,可預約兩周內門診,最晚須於採檢日前2個工作天完成預約(全面網路預約制)。 預約完用電郵寄文件後就係等通知,要見到下面嗰封先係成功預約。👍
分享一下另一間係衛生福利部臺中醫院都係線上預約時間只有上午。只接受早一個星期預約,依間預約時會睇到星期一至五已預約人數。 我觀察左兩個星期,發現第一個星期去到星期三就已經額滿,到咗第二個星期星期一已經剩返星期四同星期五。 我嗰時都有預約依間,後來收到榮總電郵通知成功預約我先取消掛號。🙊
發現第三點嗰個唔知係乜嘢嚟,跟住我就開始爬文睇吓有冇人返咗去會分享下係乜嘢嚟。
台灣做就喺
入面搵返自己間醫院
喺手機截圖或者印出嚟都可以,就係咁簡單。 如果唔識或者冇做到嘅話你去機場check-in嘅時候睇吓會唔會教你,我喺香港機場聽到隔離個男仔話冇人同佢講要準備依份證明文件,搞到幫佢檢查嗰個人要用手機同佢搵。🤷‍♀️ 檢驗當日 帶埋居留證同護照去排隊比錢然後會有兩張紙,係收據同埋換領檢驗報告單。
等叫名做檢驗,因為嗰度唔俾影相,所以只能夠搵網上圖片。如下圖所示等五秒,真係唔係幾舒服。😭
做完之後行埋一邊等,會問幾時嚟台灣?過去14日有冇唔舒服?有冇旅遊史? 嗰日4:30我入到醫院抽號碼牌然後等叫號就可以攞到自己份報告。
咁就冇咗7000台幣😭😭😭
上機前可以上網做咗健康申報表,咁就唔使等落機先至再填資料。記得要截圖或者儲存QR code落左機之後要用。
返香港 因為由機場直到你返酒店之前都有好多資料要拎,記得準備定一個方便你擺資料同攞資料嘅袋或者文件夾。我十一點五十幾分落機五點四十五分先返到酒店房。🥺 落機後跟着指示行去排隊。 呢張相係排隊等收集樣本檢測影,我唔記得最後嗰間係幾多,應該有八至十個空間,有人會同你講係邊間。
個牌你要一直掛喺頸,仲會打俾你睇吓你留嘅聯絡電話係咪打得通。 跟住就係排隊整強制檢疫令,要攞登機證同身分證,仲有檢測報告加ISO 15189證明文件,指定檢疫酒店21晚預訂確認書。 我嗰日四點就要醒所以到咗機場已經好攰,淨係得坐喺度等結果同返酒店房先影相,唔肯定下面啲資料喺邊個檢疫程序派同先後次序。😂 派口罩同探熱針。
仲會派注意事項同一本於指定酒店檢疫的抵港人士須知。嗰本須知入面有體溫表,自己每日要量兩次體溫,前面係中文版我寫咗資料唔太方便所以就影英文版俾你哋睇。
搞掂就行去坐等結果,行過去嗰陣會有三文治水同餅乾提供。 要等兩至三個鐘可以食嘢去廁所都得。得依個時間有得坐可以唞吓,其他時間都係一直行同企。🤦‍♀️
等咗兩個鐘會攞到依張強制檢疫令,記得攞到先好走。 因為之後會一直用到依份嘢同埋個頸牌所以記得唔好收埋。
執好野你就可以去辦入境同攞行李。
最後係專車登記處,俾份強制檢疫令佢睇,然後佢會比貼紙自己貼落個牌度,仲要自己掛牌喺行李箱同埋話俾你知排邊條隊。
排隊等上專車,我坐嗰架車有九個人去三間酒店,自己上車先啲行李箱會有人幫你搬上車。 依家同之前好似又唔同咗唔用電子手環。 車上面有司機同一個講下一站去邊間酒店,喺你落車幫你掃強制檢疫令個QR code嘅人,記得落車前攞定張檢疫令喺手上 。 架車停咗喺酒店度會放咗你啲行李落去先然後先叫你地落車, 到咗酒店門口要先量體溫,然後等人安排你去check-in。 會攞到房卡Wi-Fi密碼同酒店須知,仲有一個化驗樣本袋,酒店職員會同你講係邊日做。 化驗樣本袋裏面有說明書教你點樣做,要填知情同意書。
酒店須知一定要睇,會有派餐時間收垃圾時間同埋送貨服務時間。好似我住嗰間咁佢就有寫到明話如果係外賣膳食送遞或親友送遞膳食,將不會於繁忙用餐時間派發。 我睇完就知道唔好喺派餐時間叫外賣,因為叫咗仲要等佢哋忙完先送上房。 我琴日叫咗外賣送到酒店兩點半,三點十五分份外賣送到上房門外。
酒店房 雪櫃正常,只係我錄影嗰陣睇緊間房仲有冇其他嘢要錄。😆
房景
房間內部
我間房無蟲無蟻。冷氣好涼,WiFi用到(睇片打機都得)只係你估唔到佢幾時會無啦啦斷線,因為佢用到既時候太正常。😈 派餐會擺喺張凳上面要戴口罩開門攞。
檢測 第三日,用上面個化驗樣本袋。
第七日、第十二日、第十九日 第一次檢測前幾日會有人打電話同你確認個人資料,仲會同你講邊幾日係檢測日。 檢測日時間早上十點至下午六點,等化驗人員敲你房門,問咗冇指定時間所以可以刷牙食嘢。
檢測日我第七日(6/28)係二點半 第十二日(7/1)係一點半 第十九日(7/8)係十二點半 做完會收到訊息,第一封係登記第二封係檢測結果。
退房要有嘅嘢
俾埋隔離餐你哋睇 有時攞咗冇影到,擺咗好多個鐘先記得影,所以有啲會紅蘿蔔黑咗或者睇落唔係太新鮮。🙇‍♀️ 之後都係重覆相裏面啲隔離餐我就唔影啦。🙊
真係唔係幾好食,不過如果咁樣好似有好食啲。😆
👋 7/10 我叫咗咁多日外賣,除咗21號嗰日等得耐啲,基本上如果係食物都係等十分鐘左右就送到上嚟房門外,日用品會等耐少少半個鐘至四十五分鐘左右。派餐時間叫外賣嘅話要等二十分鐘左右,如果等嘅時間耐咗我會再上嚟更新。🤔 分享完啦 我打咗成朝大家睇完俾返個心❤️
76
留言 17
文章資訊
2 篇文章3 人追蹤
Logo
每週有 31 則貼文
共 17 則留言
國立中山大學
想問下原po機票+檢測+酒店大概用左幾錢?
B1 大約五萬台幣 酒店34000 檢測7000 機票9353
國立臺灣大學
啲隔離餐睇落好劣質。。。好似小學啲飯盒,感覺唔太好食🤦🏻‍♀️ 21隔離好悶,PO主加油啦
中山醫學大學
我想知如果冇手機號碼點搞 過黎台灣太耐個no.應該俾人cut 左🤦🏻‍♀️
B3 係呀 真係同記憶中嘅小學飯盒差唔多 嗰時仲細冇得揀🙈 不過依家大左有得揀 所以我都有叫外賣😂 B4 可以喺台灣買咗香港預付卡先 我太耐冇返香港都冇香港手機號碼 返嚟香港之前上蝦皮買
亞洲大學
想問下 酒店送餐時間分別係幾點ah 因為我應該都係叫外賣為主㗎啦><
輔仁大學
係咪一定要出示ISO 認證? 啱啱先發現我book 嘅醫院iso 認證過咗期🙄
B6
B9 係呀 B7 我自己嘅經驗同睇人哋發文分享都要出示
亞洲大學
B8 thxxxx 想問下係咪錯開呢啲時間叫外賣就會快dd咁呀🥺🥰
銘傳大學
我因為學校個邊有d事一直確認唔到幾時可以番香港 直到6月中先去訂隔離酒店 已經得留7月尾有房… 真心想喊~~而加係台灣無所事事又唔出得街 不過好彩我同我男朋友一齊番香港 兩個人book一間酒店房平好多
國立中山大學
睇到你啲相覺得好有親切感,我都隔離緊
銘傳大學
好想返香港,但又怕返唔到嚟台灣
亞洲大學
想問下 間房有冇雪櫃㗎(˶‾᷄ ⁻̫ ‾᷅˵)
B13 有 凍得好慢同埋好細(支水700ml)😅
中山醫學大學
放喺車度用都嫌細😂😂😂
今晚叫完外賣就去咗沖涼 沖沖吓涼就比人撳鐘😂 無諗過晚餐喺樓下等咗五分鐘就送上嚟 應該只係咁啱佢哋得閒🙈
大葉大學
多謝分享~