台✈️港 出發前有咩要注意？（揀酒店/做核酸/checklist/走前預備）
下集：6.28 小更：checklist/取消居家隔離/居留證續期
6.30 大更：醫院降價/核酸新要求
---
終於就隔離完！！！
由可以14日居家檢疫同唔洗做核酸，到要住21日酒店到加要做核酸。跟手學校宣佈遠距到期末，即刻9秒9訂機+酒衝返香港，成件事進展真係好快！6月頭衝返嚟嗰時，比較少人分享，日日自己狂check資料，所以依家希望幫到大家！
（如果有錯漏，希望大家屌細力啲🙇🏻♂️）
由於文章太長所以會分成2篇：
出發前：
1.台灣核酸檢測 2.香港檢疫酒店
3.check list 4.走前預備
到步後：
1.香港入境過程 2. 4次檢測過程
3.酒店check out
～正文～
如果提及規定嘅部分，會用引號「XXX」quote原文，同埋都會放返參考網址💁🏼♂️。
Part1 核酸檢測
1.唔係間間醫院都可以做！香港要求：
**「由2021年6月26日起，政府指明相關的登機核酸檢測必須為聚合酶連鎖反應（PCR）核酸檢測。」**
**請問清楚醫院檢查方法**
「提供一份中文或英文的證明文件，以顯示該化驗所或醫療機構屬ISO 15189認可，或獲所在地方的政府有關主管當局承認或核准。」
基本上好多間醫院都係有認可所以又唔洗太擔心😙，我份核酸報告係冇寫屬於ISO15189，但有額外預備好證明文件，機場地勤會好嚴謹check（地勤冇叫我出示，係我見佢用手機查緊，就同佢講我預備好證明文件），而係香港機場檢查嗰part反而冇要求出示🤨。
2.報告必須係72小時內做檢酸檢測
目前見過兩間醫院嘅報告都會寫X時X分做，但亦見過網上有分享有醫院淨係寫採檢日。
72小時點計：
「預定起飛時間前72小時內進行的2019冠狀病毒病核酸檢測陰性結果證明」
大部分醫院都有分當日取件（$7000左右）同第二日下午取件（$5000左右），所以有經濟考慮可做第二日取件冇咁傷😢。
**6.27起降價啦啦啦啦啦**
衛生部醫院+退輔會體系醫院
當日$5000 / 第二日$3500
相關新聞/例子：
3.自費採檢不等於篩檢
依點見DCARD其他PO都好似分唔清，分成兩嗰名會易明少少：
（我自已定義嗰名嘅，唔係官方名稱）
4.檢測要帶齊現金同文件
Check清楚醫院需要咩文件。我第一次去做唔知要帶passport（因為我係驚自己中招，唔係為入境做），純粹係帶定先點知去到真係要用，仲要影印定交畀佢。然後我做嗰間醫院係唔收信用卡，好才嗰時夠錢係身😧。
5.有用資料
可以做核酸嘅醫院（注意個表可能唔update，少部分醫院已經冇做）：
證明屬於ISO15189:認證方案 ➡️ 實驗室認證名錄
1. 名單展開 ➡️ 實驗室_醫學 ➡️ 認可實驗室一覽表
2. 認證名錄查詢
「關鍵字」輸入醫院名 ➡️ 「領域」選醫學
⭕️click認證編號就可以check到
❌click醫院名會link去醫院官網
Part2 檢疫酒店
🌜兩邊隔離日期計法唔同，
台灣返到去第二日=Day1，
香港返到去當日=Day1🌛
1.可以同住，但一定要同一班機
暫時未見到政府有官方講可以同住，但係檢疫酒店List有二人房價，部分檢疫酒店官網都有寫可以，但一定要同一班機。香港機場安排set死曬，好難等埋一齊去。另外見到依個版最近有PO想徵人一齊住，如果發生任何事，係冇得分房或轉房，請三思😖。
2.訂/揀/入住酒店注意事項：
1️⃣‼️‼️問清酒店取消政策‼️‼️
依家好多航空公司都會成日取消或者勁黑仔中招陽性，少部分酒店係唔會理，到時冇得退錢就...💸💸💸
2️⃣好多酒店有訂好機票先畀訂
3️⃣少部分酒店入住要畀deposit，如果冇信用卡可能要問下酒店，可唔可以由屋企人提早去現場畀定
4️⃣最早可以幾點check out？
理論上凌晨12點就係完成隔離，但部分酒店冇得即時走人，所以如果好想快啲走嘅人一定要問清楚
5️⃣親友物資同外賣係咪24小時都可以送過嚟，酒店係咪淨係又只會係固定時間送物資上樓？
6️⃣樽裝飲用水係咪無限量供應？/有冇熱水煲提供？（我怕污糟所以自備帶去😂）
7️⃣有冇usb充電？同埋如果係用台灣腳火牛嘅人，叫定屋企人帶定轉插去酒店👨👩👧👦
🔟用deliveroo/foodpanda，check下附近係咪美食荒漠？（以防酒店食物唔啱胃口）
3.酒店full booking點算好
暑假peak season冇計，唯有揀定心儀酒店。然後直接叫屋企人打電話派wating List，如果酒店唔接受排隊，可以每日打電話去問，搏有人cancel。
4.有用資料：
指定檢疫酒店名單：
FB群組:
HK Quarantine support group
依個group好多外國人分享隔離酒店資訊，真係一個好好用嘅避雷針
在台灣的的香港人和在香港的台灣人
依個唔係專講隔離，所以我通常都係直接search關鍵字：機場/酒店/入境 etc...
Part3 文件/裝備check list
無論係台灣機場check in定返到香港都會check一堆文件！除咗QR CODE，全部print定！
❤️QR CODE
返香港前要上網填一份健康電子申報表，唔洗print，職員唔睇hard copy，返到機場好多關要show。🧡酒店確認信
💛核酸報告
💚ISO15189文件
💙香港電話卡
去到機場係冇位畀人買電話卡，但有卡針提供
💜一個File
最好打直綁繩款，唔會係側邊掉出+方便隨時扲文件+裝到比較多文件。返到香港有一關check完所有文件，會畀一大疊文件，最重要會有一張檢疫令（一張A4紙），之後差唔多每關都要用到（酒店check in / out會睇）。嗰時我揹背囊又多行李，搞到雞手鴨腳🤦♂️
扲到檢疫令後都係其他checkpoint都係對身份證+檢疫令，可以改用個細袋隨時扲定。
🤎下載居安抗疫app
（如果唔記得都ok，因為機場有個checkpoint畀大家慢慢down，但down咗可以行快少少）
Part4 走前預備
1.如果有係台灣租屋，目前台灣仲可以係租屋處隔離，有需要買定乾糧放係屋企🙆🏽♂️。
**6.28台灣公布咗只可以喺旅館/集中檢疫所隔離**
**有興趣睇以前vs現在規定可以睇 B17**2.買定下學期教材，目前睇9月都好難開學，應該都係遠距。叫同學寄書又煩到人，買定帶返香港安心啲。
3.台幣/港幣cash，返台灣要搭防疫的士（價錢睇住邊區），返香港如果半夜冇uber搭的士又要cash。
4.如果係用VISA金融卡入定錢入去，方便返去隔離叫外賣🤩。
5.諗清諗楚返到香港要會用咩，雖然應該冇人會似我咁...，平時返去個gip得手信，又因為成年冇返香港，所以好多嘢叫屋企人寄曬去台灣，今次返到香港真係好多嘢冇帶😓。
6.居留證今年到期嘅人可以續定期先
（唔肯定可唔可以提早續期，但因為相信揀返去嘅人，都會等取消遠距先返，如果過9月先取消，到時張證到咗期可能要搞一大輪手續先返🤷🏾♂️，可以打去移民署問下得唔得🤔）
---
下集：目前淨係諗到依啲，再諗到會加，如果有問題答到一定答！
