輔仁大學

台✈️港 分享由台灣機場到出獄流程!

2021年7月8日 00:32
上集(揀酒店/做核酸/checklist/走前預備):
今集:主要講流程+注意事項 由台灣機場出發➡️到達香港機場➡️酒店check in ➡️4次核酸➡️最後出獄 --- 簡單懶人包: ❤️台灣+香港機場: 酒店確認信+核酸報告+ISO15189證明文件 🧡香港機場: 前半show QRCODE 後半show檢疫令 身份證隨時要show 💚酒店Check in+out: in/out酒店職員都會睇檢疫令+in會畀一套口水核測kit 💔4次檢測: 要戴口罩先開門 證件 口水TEST封好交畀人 核酸TEST要扲凳坐係門口+預備垃圾筒 --- ~詳細版~ Part 1:台灣機場出發 👆將酒店確認信+核酸報告+ISO15189證明文件 交畀檢查地勤檢查👩‍💼 搭長榮要填多份表
頭前行click「旅客健康聲明書」會自動下載 **「由2021年6月26日起,政府指明相關的登機核酸檢測必須為聚合酶連鎖反應(PCR)核酸檢測。」請問清楚醫院檢查方法**
imgur
imgur
✌️免稅店同手信店都有開,可以最後血拼。不過機場大部分自動飲料販賣機到冇補貨,餐廳仲有貴價evian水賣,水機仲有係到但有少少唔安心,所以揀咗飲口水。 👌當日我上機得一個人著全套保護衣,幾個著雨褸,但建議著套舊衫最方便,去到酒店直接成套扔。 Part 2:到達香港機場 從落機直到入酒店房我嗰日大概用咗4個鐘💯 嗰日太攰詳細流程唔記得,要過超多checkpoint。不過要注意唔多,同埋會set死曬得一條路行,唔洗驚miss咗嘢🙅🏽。 主要注意: 前面:一直show QR CODE+身份證👁 中間:有一關要check「身份證+酒店確認信+核酸報告+ISO15189證明文件」依關後會畀張檢疫令+一枝體溫計+一堆文件📑 最後:直到入住酒店都係一直show身份證+檢疫令📄 最好預備一個打直綁繩款file,唔會係側邊掉出+方便隨時扲文件+裝到比較多文件。嗰時我揹背囊又多行李,搞到雞手鴨腳😓。 扲到檢疫令後都係其他checkpoint都係對身份證+檢疫令,可以改用個細袋隨時扲定🤏🏽。 重要checkpoint(順序唔太記得可能有錯): 1️⃣檢查有冇下載「居安抗疫app」 2️⃣檢查電話打唔打得通(有卡針提供,但唔會有電話卡賣。不過睇過有人話冇電話號碼會打去屋企人都得,時間充足可以上網買定卡/屋企人寄卡過嚟) 3️⃣做核酸檢測插鼻+插喉嚨 4️⃣做完會派一個掛牌,會寫你係休息區要坐邊個位,有個位可以扲飲扲食大概等1-2個鐘有人會行過來講檢測結果,但我嗰陣坐嗰個位好近一個排氣嘅物體,超級嘈好難靜靜地休息。 5️⃣扲完行李,去一個counter會問你住邊間酒店,會畀一個寫咗酒店名嘅貼紙,然後貼係個掛牌,跟住等搭接駁車 6️⃣職員會跟酒店所在地區住分批畀人上車,唔好才要企係度呆等20分鐘。力氣細嘅人唔洗驚,因為有人會扲行李上車同落車🆘。 ⏯早落機遲落機,行先行慢,會加快成個流程但係大家到終點(酒店)嘅時間都係差唔多。 因為我估係一班班機做,一路過check point身邊嘅人都冇乜變過。領頭羊群就唔洗排隊等上一個做完,行慢啲就係被人截停等下一批。機場好多checkpoint都係分批做,例如畀資料嗰陣又或者搭接駁地鐵,但係行快嘅人最後都係要等齊人先上到接駁車去酒店。 Part 3:Check in 入獄 📤要畀檢疫令同身份證明文件職員 💳視乎酒店政策,可能會收Deposit 💦職員會畀一套口水檢測Kit,同會講邊一日有人上房 收 🏠上房,注意視乎酒店,我住嗰間張房卡只係一次 性,唔小心閂咗門就麻煩 Part 4: 4 次檢測 「未完成接種疫苗而非使用「回港易」計劃的人士,到達香港的第3天、第7天、第12天、第16天及第19天接受檢測。」 ✅第1次係口水檢測,嗰Kit入面有曬指引點做,當日朝早做好封好,等人上門收。 ❇️第234次都係核酸,即係插鼻插喉嚨,酒店只會講10:00後上門,冇指定時間。我分別試過13:00,14:00,15:30⏱。 詳細步驟: 🪑預備垃圾筒/袋同凳係門口 🔈等待有人突擊拍門🚪,需要戴口罩同出示身份證(如果檢疫令係用護照就出示護照) 🪛對完資料交口水Kit/開始插鼻喉,有啲👩🏻‍🔬畀我企係門口做,有啲🧑🏻‍🔬係都要我坐凳先肯做,做完職員會將手套同其他物品扔係垃圾筒 📲當日/第二日會收到sms話「完成登記樣本」,我4次都係收到第一封sms後,24小時內收到第二封sms通知係陰性 *本身打12小時計錯數* (根據B2 B5 唔一定收到sms) *插鼻喉痛唔痛,視乎嗰人手勢* 台灣: 👃🏼插完鼻最少10分鐘都feel到少少唔舒服,但又未去 到痛。 香港: 👃🏽4次插鼻,都冇台灣咁入,只係門口轉兩轉。 👅2次插喉,都係門口轉一轉,甚至有一次我忍唔到 抬高條脷,好似連喉嚨門口都冇到。 🫁2次插喉,插到好入想嘔,但真係就嘔嗰刻就做 完。 Part5:Check out 出獄 0. 出獄前一日下午政府會send sms
imgur
1. 睇過網上分享同自身經驗,都唔係自己落樓,係要提早約實時間check out⏰ (我住嗰間職員話好多人都想00:00即走,但因為唔可以所有人同時出房,要分批安排落樓,所以最好提早book時間check out) 2. 有人上門接我走🫂 3. 職員會對檢疫令+還房卡畀佢📥 4. Call uber走人!!!約friend行街睇戲食飯!!!🎉🎉🎉 --- 所有有用links: 1️⃣香港政府官方資訊:
2️⃣健康電子申報表:
3️⃣可以做核酸嘅醫院(注意個表可能唔update,香港要求以指定方法檢測,唔係間間都得)
4️⃣證明屬於ISO15189:
4️⃣指定檢疫酒店名單:
FB群組: 6️⃣HK Quarantine support group 依個group好多外國人分享隔離酒店資訊,真係一個好好用嘅避雷針 7️⃣在台灣的的香港人和在香港的台灣人 依個唔係專講隔離,所以我通常都係直接search關鍵字:機場/酒店/入境 etc... --- 有咩問題都歡迎問我!
愛心
22
留言 26
文章資訊