香港都會大學

有冇新生會選擇出去租屋住

7月21日 20:32
有冇今年9月嘅新僑生會選擇唔住宿舍,直接出去租屋住?一齊交流下~ 會唔會怕識唔到朋友?
3
回應 32
文章資訊
Logo
每週有 21 則貼文
共 32 則留言
我會想直接出去租 但唔知學校比唔比🤔
高雄醫學大學
其實建議會住宿一個學期先,畢竟疫情關係你未知道幾時入到境,加上你又未揾屋,可以住宿舍先,期間慢慢揾地方搬
原 PO - 香港都會大學
B1 我學校就比嘅,但唔知幾時先可以入境,到時可能冇房剩🥲
原 PO - 香港都會大學
B2 真係好想直接租屋🥲 要再認真考慮下,想有私人空間靜靜地,但又真係怕搵唔到屋
國立暨南國際大學
當年year1冇住hall直接搬出去住 不過要天時地利人和真係咁岩搵到間岩心水嘅屋 不過就算唔岩心水都照住住先 先唔講生活習慣但多人共用廁所個人接受唔到😅 除非樓主讀私校有單人/雙人/四人房有廁所 至於朋友方面睇返你個性 主動啲都唔會排你 真係好睇個人🤔
高雄醫學大學
B4 如果真係想搬,可以上台灣既591租屋網睇下先。不過,屋主肯唔肯租一個未黎台灣的人又另一回事啦。 住宿舍又未必係想像中咁差既,我當年都住左1年,同roommates關係又keep得唔錯,又有hall life😂
朝陽科技大學
我係靠朋友幫我租好 一過黎就入住
原 PO - 香港都會大學
B5 多人共用廁所呢個我都唔係好接受到!都係其中一個想搬出去住既因素🤣
原 PO - 香港都會大學
B6 最慘係連幾時可以入境都唔知🥲 Roommates真係人夾人~希望到時都會識到好朋友做室友
原 PO - 香港都會大學
B7 咁樣都可以租到!?我都可以托個朋友幫我問下喎!
朝陽科技大學
B10 因為你本身冇居留證其實都有啲麻煩,有啲房東要你有居留證先俾租,所以變相我朋友幫我做類似保證人咁,以佢地名租屋,一開頭幫我睇屋、俾住按金先,跟住我一到台灣就即刻俾返錢佢地同順利入住! 但我都有朋友係隔離完即日搵屋,佢都係有親戚車佢周圍睇屋。你可以參考下,我就覺得趕左啲,但都唔妨係一個選擇~而家過左租屋季會少左好多屋揀架啦~
長庚大學
租屋建議搵會收垃圾嘅 唔係你地唔知點追垃圾車就好麻煩…. 垃圾分類都要識 跟著租屋有好多嘢要注意嘅 睇地點(附近有無捷運站/公車站/近唔近學校,有無全聯家樂福個d超市) 電費水費計算方法(如果寫台電計算就最安全 最平)有無𨋢(如果唔係搬行李搬死) 仲有好多 我都係year3先敢搬出黎住
國立政治大學
建議住宿舍習慣下生活模式 再唔係同我住🤣
國立高雄科技大學
台灣各間大學嘅宿舍參差不齊,私立嘅逢甲誇張到有家庭式套房擺部55吋電視(不過一個人平均一學年都5萬台幣),義守國際學舍直頭係酒店式管理,每周有人黎清潔(一學年租金7萬7台幣);國立嘅話,國立鳳梨大學空間夠大,XXXL Size 嘅L型書枱。 調轉嚟差到貼地都一堆,中興大學有挨過921嘅水泥床,本店建工校區除左舊、爛、細之外,仲要難抽過白表居屋。而且宿舍環境都只係其次,最大問題係室友... 大多數大學都會將國際生、僑生擺喺同一個宿舍裡面,除非你嗰系人數夠多,你啲室友好難會喺初期課堂生活對你有協助,欠缺擁有室友嘅正面因素。 而生活習慣、衛生觀念亦都好受各國文化影響,據講越南、緬甸、印尼僑生嘅習慣比較會令我哋卻步,馬來西亞、馬交就會同我哋比較似。 而你係無得揀嘅,所以我舊年一出隔離所,第二日住酒店,第三日已經出去租屋住,隔離期間你可以睇定591。
原 PO - 香港都會大學
B12 我會記低呢啲point,多謝你嘅租屋tips🙇🏻‍♀️🙇🏻‍♀️
原 PO - 香港都會大學
B14 我黎緊會入你呢間,但係第二個校區🤫睇黎我都係同你一樣隔離期間搵定591先
國立高雄科技大學
B16 Master?邊個校區,可能我可以幫到你喎。
原 PO - 香港都會大學
B17 degree~ 第一個邊👀
香港科技大學
租屋 好過宿舍 大部分私校 5人-8人 一間房 同層share toilet 洗衣機 同香港中轉房屋一樣 開冷氣 都要同其他人講掂數 除非好好彩同室友夾到 但係現實唔係咁理想 很多情況會被人排 (環境同返大陸讀住宿一樣) 要有心理準備喔~ 搬出去住真的很開心了許多 租房子要注意:加蓋樓=天台頂樓加蓋 /住地下(沒有窗)
國立高雄科技大學 人力資源發展系
B18 我喺燕巢,但係生活圈相近;如果你未有電單車牌,你租屋嘅範圍就局限左學校周邊同巴士紅58A,B、97、7C號行經嘅路線。
藍色範圍代表正常步行範圍內至少有一條上述巴士路線經過 啡色範圍代表正常步行範圍內上述全部巴士路線都會經過,而且位處火車與捷運之間。 高雄嘅公共交通系統效率低下,班次疏落;若果要靠佢通勤,最好選擇喺啡色範圍內租屋,於假日利用火車或者捷運前往市區亦比較方便。 舊年租咗喺標注點,月租7800 twd,25-35年樓齡,3樓(即我哋嘅2/F),大約330呎,獨立洗衣機、半乾濕分離洗手間、露天電單車泊位。 另外留意水電費,水費最多比100 twd、電費每度5 twd為合理水平線。 設施上冷氣過舊會好食電,公用洗衣機不應為投幣式。
原 PO - 香港都會大學
B19 很多情況會被人排😵‍💫,有啲驚
原 PO - 香港都會大學
B20 哇好詳細,多謝你🙇🏻‍♀️ 但如果我租啡色區,日日返學咪要搭巴士? 睇黎寒假真係考返個電單車牌穩陣啲
國立高雄科技大學
B22 除左學校隔籬之外,藍區啡區都係,我返燕巢舊年初期日日都係提早一個鐘搭7A/7C,兩條線開車時間差唔多,走左架車就要等成一粒鐘先有下一架;後尾借左張梳化比有電單車嘅台灣同學住先可以由一個禮拜追五日巴士變成追一、兩日;第一校區有4條線,時間都有錯開唔同時間算好好嫁啦。 你哋第一有個練習場可以練電單車,睇下寒假有冇得借fd嘅同學車練下,買電單車就量力而為;二手要小心驗車,新車就揀易操控上手嘅。 買車開箱: Gogoro Viva Mix Belt機車新手開箱
中山醫學大學
上年尼既 住左半年 今年年頭就搬左出去自己住
東吳大學
我打算大二先同人夾租
我係準備去讀書嘅,我係第一校區,想租屋住,可否提供多啲資料?有無一啲租屋要注意邊啲地方?
國立臺灣海洋大學
B14 簡單啲講 如果唔怕搵唔到嘅話 點都搬 同得你住嘅 唔好話印尼馬拉緬甸越南 有時香港人都可以好污糟
國立高雄科技大學 人力資源發展系
B26 大概常見注意事項就在b20,23,想問咩? b27 I totally agree with you. 香港人癲喺上嚟都可以好誇張...
國立高雄科技大學
B28 例如有無啲簽約要注意嘅嘢?去到間屋要睇啲咩?
國立臺灣科技大學 機械工程學系
我睇完YT宿舍介紹片,果斷咁打開咗591😂
國立高雄科技大學
B30 本身都50/50,睇完真係放棄
國立臺灣海洋大學
B29 有幾樣野要問清問楚 一。水電係咪跟台水台電收 唔係嘅話幾錢一度 電通常北部就5蚊度 水嘅一係就唔收錢 一係就固定收費 二。合約入面有冇叫你負責比公共水電費 有嘅話又係幾錢 幾戶分擔定係點 三。幾個月押金 幾多個月交一次租 有啲要你一次交一年 有啲就叫你一次交半年/三個月/一個月不等 四。check清楚啲牆有冇甩石屎 批盪有冇甩 五。水壓要check清楚 花灑夠唔夠力 熱水爐有冇壞 冷氣夠唔夠大風 有能力嘅叫房東幫你洗過晒冷氣洗衣機呢啲 六。簽約嘅時候記住一樣野 如果要提早退租 要問清楚係扣幾多錢 七。睇清楚有啲咩係要買過去 除左自己用嘅野之外 睇下有冇家電用品要買 例如電熱水煲之類 八。呢個稍為唔重要 但係都要留意嘅係 電視同wifi有冇包 如果唔睇洗唔洗還返個機頂盒去電信公司 最好check埋wifi有冇壞 九。門鎖最好check清楚有冇壞 公共空間有冇裝cctv 有嘅話就更好 十。呢個其實係租屋最基本嘅考量 近唔近學校 如果要搭車要搭幾耐等幾耐 唔好因為一時見到間屋靚就唔諗呢啲野 加上鄰居係咩人居多 學生定係點 希望以上嘅野可以幫到手 我中過伏 唔希望你中伏 last but not least 希望自住住得開心