浸會大學國際學院 創意數碼媒體設計

屋企人唔俾我去台灣

2021年8月14日 14:04
佢話去台灣不如去大陸仲好⋯ 話讀英文唔洗去台灣,我就係因為有啲興趣先唸住讀。我應該點算,唔通就繼續留係香港讀完個副學士?求助。
20
留言 49
文章資訊
Logo
每週有 19 則貼文
共 49 則留言
淡江大學
淡江英文真係不了,考慮下其他國立外文系好過
朝陽科技大學
我都覺你要讀英文唔使黎台灣,真心係香港讀仲好
國立暨南國際大學
睇你係為咩而讀
香港恒生大學
你喺香港讀完再去台灣升學唔好咩
原 PO - 浸會大學國際學院 創意數碼媒體設計
我原意係希望跳出舒適圈去望下依個世界,因為本身成績唔好,所以無唸到會收我。之前問屋企人話俾我去,之後琴日先話唔俾我去。依家心情好差,唔知點算好。仲同屋企人鬧曬大交⋯⋯
國立臺北大學
B5 現實啲同佢講,我讀完畢業之後,我可以移居台灣,你哋都可以過嚟,藍到出汁嘅都支持啦,雖然佢到時都會一是一樣咁樣話你。 ps:類似經驗嘅人好過
國立中山大學
B6 現實啲講,你讀完唔一定留到響台灣
國立臺北大學
B7 hf169
淡江大學
大二內轉啦
朝陽科技大學
但再現實啲睇係你係台灣讀英文真係冇咩用,通常台灣人讀英文會再修埋碩士博士,你本身有諗住讀到咁高嗎?定係為移民台灣?拎住淡江英文學士學位係台灣競爭力好低,btw你諗住將來搵咩工? 我都明想走出香港果種心態,但有時又不得不向現實低頭🥲講真我都覺我畢業係台灣難搵工 希望原Po你諗清楚啦,你真係要黎既,努力說服下屋企人
國立臺北大學
B10 其實台灣讀完英文,加埋屋企有啲錢嘅話,最後結果就係去咗美國讀碩士㗎啦台灣人嘅發展大多數都係咁
朝陽科技大學
B11 所以唔知原Po畢業之後係打算點😂讀英文出路本身都唔多,唔知佢點揀了
國立臺北大學
B12 其實我同佢差唔多㗎咋,只不過屋企有啲$讀碩士再諗一諗自己前景🤡 可以返香港搵台資企業做翻譯嗰啲?如果話齋純粹移民台灣嘅話
朝陽科技大學
B13咁有錢的確煩少啲既😂搵工呢樣野要睇原Po啦 讀英文學系同讀翻譯好似兩樣野黎
國立臺北大學
B14 我應該都係攞咗169之後,30歲考台公務員之類 講明先啊我碩士㗎😂 香港是40歲都可以做狗啦我30歲先考公務員都唔遲,暫時應該係咁,可能喺台灣坐完監就走咗去英國都唔定 其實應該都差唔多只不過睇吓你見工嗰陣時你點樣present自己
國立中央大學
淡江讀英文….不如去外國讀個cc好過 學+用嘅機會比你去淡江多100倍
國立成功大學
淡江英文真係不如去外國…
國立臺灣大學
B16 hi
香港大學
想學好英文就係香港讀好個asso 再拎OWP去加拿大做野 包保有用過你係台灣二三線大學學英文
香港大學專業進修學院保良局何鴻燊社區書院
你同我一樣遭遇 我屋企人都叫我不如返大陸讀書 包保你咩事都冇 真心笑出聲
香港中文大學
同佢講好過留係香港送中
國立暨南國際大學
成年人請自己決定未來。承擔一切選擇。
原 PO - 浸會大學國際學院 創意數碼媒體設計
因為屋企話供唔起我,所以先唔俾我去。我唸係主要原因。
香港理工大學
睇你自己決定係為左夢想定金錢 前者就淡江英文 後者就香港
國立暨南國際大學
B23 出國唸書好貴,大陸就供到你嗎?不如你工作一年儲學費,再報最心儀公立學系減低成本?
搭單問大家少少嘢~ 1. 如果想讀文化相關嘅碩士,大家覺得有冇話香港/台灣讀好啲?如果台灣好啲嘅話,係咪主要都係喺台藝大/台北藝術大學讀最好?🤔 2.如果講就業前景,分別空缺+發展空間係咪都係台灣好啲?🤔
香港理工大學
B26 空缺+發展空間如果中港台排一定係中>港>台啦😅呢個係事實
香港理工大學
B26 台藝大在台灣風評較好
淡江大學
讀asso 無咩競爭力喎,要留台就嚟台灣啦
B27 你漏左競爭對手,喺一萬人/兩萬人/兩百萬人裡面發圍係唔同概念... Btw b0考DSE 英文幾分?我想有個概念。
高麗大學
唔清楚樓主你純粹係為興趣所以想讀英文系定唔知讀咩所以先揀英文系; 係前者嘅話,如果我係你,我會照去! ^^ 係後者嘅話,可以無視以下寫嘅嘢。 5年前Durham比咗個English offer我。但屋企人話學費貴,讀英文冇用+哂錢,唔知做幾耐嘢先賺得返嗰百幾萬比佢地,最後冇讀到。 後尾做咗幾年嘢都仲係好鍾意lit,所以就靠返嗰幾年工存嘅錢揀咗一個自己能力負擔到嘅國家重新開始。最後因為公司上司嘅關係,喺日本韓國之中揀咗韓國。 咩都唔識由零開始學起韓文再考大學,最後順利入到英文系! 身邊每個人都話韓國人英文好廢點解仲要去韓國讀英文,亦又講過去大陸讀仲好lol 但入到大學發現講到純正英文嘅人係!好!多! (雖然american accent重咗啲) 呢年讀嘅每個文學course: poem... novel... 同政治宗教哲學歷史有關嘅prose,essay... 真心學到好多嘢,有種原來讀到自己想讀嘅嘢係可以咁幸福嘅感覺! 呢幾年冇一秒後悔自己做嘅呢個小眾選擇,反而想多謝當初自己喺身邊大部分人都反對嘅情況下依然有呢個勇氣去做自己相信嘅事。 所以如果你都係為興趣而讀,希望你讀嘅過程都會有同樣嘅感受,覺得fulfilling. PS: 靠自己錢比學費嘅好處係當屋企人比說話你聽嗰陣,可以理直氣壯咁唔理佢地 ^^
匿名
此帳號疑似異常
官方正在進行身份確認
b0 其實 b31 講得幾好,值得參考 供唔供得起個到,你可以保留學籍再全職係香港打一工,當你返份垃工 一個月14000-15000,一年都17﹑18萬。 儲到幾多睇你自己同屋企等唔等你養。之後個d, 可以平時打工/暑假返香港打工補貼。真係仲困難,咪再打多年,2年都34﹑36萬。你先18歲,20歲先讀yr1仲好後生。而且打過工,知道揾食艱難,你讀書動力會大左,同埋有個方向想將來做咩工,再讀對應的方向,有更大決心為自己未來打拼。 其實我覺得你而家真係唔係好知自己想點 1) 想讀英文系,只係單純一句「有興趣」 2) 想去台灣讀又只係一個「想見識外面世界」 3) 成績又唔好,留學搞唔搞得掂,始終你會自己一個在外,生活﹑適應同學業都要應付 俾我係父母都有d唔係好睇到,你對英文的興趣/熱愛/志向/未來職業規劃係邊個位,定只係你中學接觸到的狹窄世界﹑咁少的學科內面英文科算無咁反感。 去外面世界,點解一定係台灣?台灣有咩好,有咩唔好?畢業留台/返香港?預計自己揾咩工?台灣移民/留學生畢業薪俸行情點樣? 呢d問題你要揾好資料,了解下,有晒計劃﹑決心再同人講先有人信你知自己做緊咩﹑同會做到 韓國讀大學,學費都唔貴,同香港讀差唔多,香港讀就算8大,學費42100+住宿+生活費,都一年10萬到。入學要求韓國其實唔睇dse, 你只要考 TOPIK十手文試,加交高中成績,Personal statement就得。 你有韓文底,考到topik 3的話,報2022年spring admission都仲得 讀英文來講,韓國有專門的外國語大學,就算唔係專門的外國語大學,外文系水平都高。因為南韓係美援國家,到今時今日都有駐韓美軍,韓國同美國聯繫好深。韓國人服兵役仲可以選在美軍units到服。 台灣讀英文系,其實要考慮返台灣本身都唔係英語國家,本身唔似香港﹑新加坡有英國殖民地的歷史,同埋台灣讀到學士都唔係好夠揾好工,因為大專教育太普及,個個都讀master咁濟。睇下你會唔會有決心,返到香港做d 1萬幾起薪的文職assistant/executive/clerk/junior offocer位,邊做邊儲錢邊讀上去。 如果屋企等你養就可能難d. 香港讀asso唔係咁好,又貴,駁ugc-degree又screen走一批人,自資又貴,其實唔平過你出走讀。 返大陸讀,如果你無移民打算又唔抗拒大陸,其實都可以,始終將來都係大陸學歷係香港越來越吃香,等於港英殖民地年代,宗主國(英國) 學歷係香港吃香。有3322 咪retake dse 4c+1x再報免試招生,無咪考廣州中山大學獨招/暨南。 最好入返985﹑211或者外語大學。到時畢業你返香港做中資﹑政府工都吃香過本地學歷
原 PO - 浸會大學國際學院 創意數碼媒體設計
好多謝大家嘅意見,真係幫到我好多。依兩日心情都好奔潰,因為覺得自己好似咩決定都係錯嘅咁,依家好返啲了。係一個唔富裕嘅家庭,自己個經濟獨立真係好重要。 本身我係香港係讀media關於電影電視之類,我當時填志願嗰陣見依個英文系收嘅名額都有7個咁多,又唸深一層,英文嘅出路好似比media會多啲,就填左係第四位。而前三位都係media嘅科。 最後,我決定努力讀埋依家個asso,賺錢儲錢,負擔起自己嘅學費。好嘅路當然係我駁到香港好嘅u,但見我上個sem得2點幾,應該都有難度。第二條路就係,儲足夠嘅錢,再計畫如何闖出去。 大家嘅意見我真係好感謝,好多謝。有一刻我真係覺得自己嘅人生無曬希望… 特別要多謝你地。 B31 B32 B15 B25
國立政治大學
道理有啲似去外國學中文😂 學英文咪去啲華人地方啦,你相信你去台讀國語進步多過你英文進步!你估落左堂之後啲台灣同學會同你講英文咁假鬼假怪?咪玩啦😂 同埋如果係啲啲興趣就唔好去啦,要真係有興趣先讀!再者,淡江唔係唔好!但我寧願你喺香港讀
國立臺灣大學
英文系 讀 「文學」的 ,文學不等於英文 .... 不過加一個 其他商科碩士 其實外商工作機會不少(聽說)
淡江大學
可以先保留淡江學位 睇出年咩情況再決左讀唔讀 - 簡單講一講淡江環境&洗費 新北市(偏鄉下地方小小)但生活洗費會比市中心平啲 學費半年5萬X台幣 學校宿舍半年7-9千左右台幣(唔係好記得) 出去租屋一個月4千~8千台幣 食一餐平均80台幣 如果唔大洗一年7萬港幣都夠用 學校重有清寒金,愛心飯卷,校內工讀等等 - 最後我覺得錢唔係最大問題 重點係原PO未來人生規劃係想點 淡江外語好出名 如果擔心單單英文系唔夠競爭力 可以主修英文副修日文/西班牙文等等 同有一點好緊要 香港係英式英語 台灣係學美語 加埋台灣人口音即使係教授都好發音好難聽
國立中山大學
B8 依個唔係居留only?要做台灣人唔係要收入過某個數字?樓主果科難reach到,台灣生活好、食嘢好、人好,但係認真覺得個政府少廢,尤其是交通…同埋台灣政府好似不斷收緊移民政策
國立中山大學
B5 台灣comfort zone過香港🤣🤣
講明係勸棄不要回頭 佢地小學3年班先學英文 英文係外語日常唔會用到咁 係台灣讀英文系學士讀到文學比較多但係老師除了外籍 都係用國語教的 因為班學生聽唔明 所以嗰啲presentation 寫文 project 國語用多過英文之餘 講同寫嘅嘢唔難 好大機會妳同學交嘅功課 你會覺得不如dse英文 而且班同學好chill 因為係私校加上唔係熱門科 外籍老師好少 根本唔會有人無啦啦同你講英文咁 但唔好以為香港可以玩贏英文系因為佢地主要用國語 用國語講書照英文書意思讀 而且個課室=樹仁中學 係可以好唔符合香港人對U嘅想法 我建議你youtube search 『大學名+英文系大四期末報告』 你就應該更明白係台灣讀英文系畢業大約會點樣
英文系寫同講出黎未必同band 1 英中學生有得比較 另外就係讀 其實鍾意英國文學沒有必要讀英文系 亞洲裡面嘅大學英文系 要讀嘅書就係Norton Anthology of English Literature/ American Literature 之類加希臘神話/聖經 咁其實唔少裡面嘅classics essay poetry writings 中學/返教會/電影/kindle app有免費俾你睇曬, 甚至根本唔會有人睇嗰本書,因為睇sparknotes,shmoop就交到貨 如果真係好鍾意Eng Lit 就好可能中學已經睇過曬 平時上堂真係叫你返去睇上堂老師照書讀/ 外籍老師就可能問下你睇完有咩心得 但係台灣國高中唔多叫學生critical thinking 所以大學先比較多會 上台報告 寫下嘢 speech 更多時會背單字 做exercise 都幾有可能會同dse英文 學嘅嘢重覆 同dse eng lit 可能差唔多 加上幾多人抱著 讀英文系可以加強英文能力 嘅想法入去 令到學生水準參次 有海歸 亦都有人很麻麻 客觀來說 要有底 先有可能睇得明啲readings 而且有時readings同現代英文有不同 有長又悶
匿名
這則留言已被刪除
已經刪除的內容就像 Dcard 一樣,錯過是無法再相見的!
國立清華大學
供殺小
淡江大學
大約4年80萬 冇master幾乎冇上升空間 我岩岩同系畢業 你可以參考下
你知唔知台灣既外文系唔係讀英文錦簡單,係文學類多
國立虎尾科技大學
B8 真係。我都申請緊hf169入藉台灣
B45 hf169唔係得居留?係入藉咩
香港科技大學
台灣啲大學差係因為經費少,但佢收啲學費又唔係話特別平,所以基本上係唔抵讀。(時間都係錢) 大陸啲大學起緊係因為呢幾年大陸多咗錢,但你入到去會俾大陸人屌打,同埋佢哋成班會杯到你懷疑人生。 香港啲大學so far仲keep到啲口碑,算係比較經濟實惠。你真係咁鍾意台灣,可以去台灣exchange。 同埋要留意翻,歐美有好多master係唔難入,但一年收好多雞校,呢樣嘢HR應該已經知道。
國立高雄科技大學
恕我直d講句 絕對唔會過台灣讀英文 浪費人生 浪費金錢 仲要日日多謝老師前老師後 堂堂都要繞場一圈check有冇帶書 出卷仲衰過小學mc dse起碼都要睇下文呀陰功 當然都depends on 老師份人 但如果要學好英文 唔該唔好哂心機 因為呢度某d老師口音重得黎,好多時會錯,句子格式,連個音都錯埋 ength 變 aef音聽到眼都突埋 (無學phoenix舉個例啫 最錯係所有野都極舊式 考speaking叫你背文再叫你開鏡頭遮眼背篇文出黎你係咪接受到? 考試途中你唔會知佢up乜兼唔可以有任何“你up乜鳩”嘅表情 你有怨言投訴佢英文差分分鐘可以告你上法庭 你諗下第時想要一份咩工 對方/客係咪可以接受到咁嘅英文水準 你喺台灣唔日日搵外國人練習,只會衰過小學生
B48 你係高應/高第一? 應英/應外/必修英文? 高應嘅應外系比人cut咗真係唔意外,連留美教授都係台式口音,聽到好難受...