仲未嚟台灣嘅同學睇真啲先過嚟
2021年9月6日 08:38
好多學校已經催學生交學費，唔少人已經交埋添喇，差在未過嚟姐，但一日未過嚟，仲有機會可以諗清楚。台灣大專院校多如牛毛；開設嘅科系五花八門，但係唔係真係每間學校每個系所都可以學到嘢呢？
好多學校遠睇誇啦啦，近睇吊那媽；但係我哋可以睇台灣人用腳投票嘅結果--註冊率，一間體制健全、師資優良嘅大學唔會無人揀，所以大家只要睇一睇呢個網頁：國立學校基本上唔洗驚，而私立學校
基本上收生人數過千、註冊率超過95%都屬於體質良好嘅學校；
而收生人數過千、註冊率超過85%就算係我個人覺得仲可以接受；
低於呢個水平嘅就諗真啲先好嚟，出發之後你發覺奶野，就至少喺台灣隔離咗一轉，返香港又要再隔離，基本開支又洗左一筆，簡直係比錢買難受。
收生人數低於兩百、註冊率低於70%，如果呢兩個條件符合是旦一個（馬偕醫學院除外），除非你非離開香港不可。乖乖地留喺香港，做嘢嘅做嘢，想讀書揀毅進/基礎文憑，至少毅進同VTC唔會讀讀下執笠。
