香港理工大學專業進修學院

有意去台灣讀書,但唔知點報名

2021年9月7日 01:21
如題,讀緊asso,想直接去台灣讀學士學位,但DSE成績其實唔太好,驚用DSE成績嘅話台灣大學唔會收。知道可以2+2,但好似見到可以用asso成績報考year1,但好似要推薦信⋯所以就諗緊要唔要直接2+2報名 - 掙扎緊嘅係台灣嘅科技大學好似無台灣嘅大學咁好,睇Dcard都有人話科技大學係水泡?但如果重讀year1又覺得自己浪費咗兩年,會同啲新生有代溝🤣 - 想問下有相關經驗嘅你地個陣係點報名🥲成績又係如何(如果肯講就最好,可以俾我有少少資料可以參考🙇🏻‍♀️)
3
留言 23
文章資訊
Logo
每週有 26 則貼文
共 23 則留言
國立臺北科技大學
睇讀咩科同埋邊間囉,上低卡唔好太認真,參考下就好,台灣低卡=香港連登 老實講而家下成績參考價值冇之前咁大,因為呢兩三年多咗好多人去,每年嘅成績都成績拉高咗,同埋更加唔穩定 2+2定係year 1就睇你自己囉 你讀緊咩科、幾多歲、想讀咩科全部資料都唔知,好難畀意見
香港專業教育學院
報名及詳細資料:海華網頁 2技3月報 推薦信有啲學校唔洗 科大方面 有啲科大唔會話特別太差 但當然比唔上頂大 另外有啲人科大畢業會靠洗碩黎拎個靚校名 Ps 無論科大普大 如果你本身唔努力讀 比你入到頂大都冇用
原 PO - 香港理工大學專業進修學院
B1 國立私立同科技大學都有心水,依家就讀緊asso,想係台灣讀企業管理,20歲。你依家呢間都係我心水,但驚唔收⋯
原 PO - 香港理工大學專業進修學院
B2 但我見如果用個人申請國立/私立嘅話,可以用asso成績報,但就驚係要推薦信,但我上過啲校網睇,唔知係咪太早,無太多關於個人申請要唔要推薦信之類嘅資料,但又驚錯過報名時間⋯
香港大學保良局何鴻燊書院
最近都有相同煩惱!2+2好似得科大 選擇好似好少同多數科大名冇一般大學嘅知名度高,驚第時搵工會好難😵‍💫我想知係咪真係唔會有得過去讀yr3 ಥ_ಥ
香港理工大學
DSE成績大約12分已經可以入到比較好的國立大學 樓主唔洗咁擔心
國立臺灣師範大學
台灣收好低分㗎咋唔驚啦😂😂 俾個參考你我16分香港讀左一年恒生派師範 唔會有代溝啦我都大今年啲人兩年 (本身留左1年+香港讀左一年yr1) 不過可能我個人摺啲我自己一個都冇所謂😂😂
高雄醫學大學
其實代溝依樣野係睇你性格,你肯融入佢地既圈子其實冇人會知你係大佢地幾多年。我今年大三但其實我大佢地2年,拎冇所謂架,佢地都唔覺得我似係大佢地2年😂如果你唔想由大一開始讀,就揀d台灣top既科大,例如台科大,收分唔高
國立臺北科技大學 資訊與財金管理系
B3邊間私立?
科技大學讀商科,除咗榜上頭四個之外基本上都唔太推去科技大學讀商科(如果你想去嘅私立更差的話,咁就去科技大學啦) 題外話:如果想留喺台灣的話唔太推薦去讀純商管頂大除外 你dse幾多分? 我又自爆:當時佢係單招收我,而我dse成績係可以去更好嘅學校
國立臺北科技大學 資訊與財金管理系
B4推薦信問教授攞就有架啦,即使佢冇要求要你有得擺都擺上去啦,印像中個人申請係唔使推薦信(你要睇返佢要求文件,每間學校、每個階段都唔同)
國立臺北科技大學 資訊與財金管理系
B5透過港二技嘅方法入學,係
香港大學保良局何鴻燊書院
B11 咁如果獨招嘅話(yr 1讀起)係唔係可以揀返一般學校?🤔
國立臺北科技大學
B12係
香港大學保良局何鴻燊書院
B13 想問如果gpa唔靚 會唔會可以用返dse個分(18分) 定淨係yr1讀先睇dse分?唔好意思好似好多問題🥺🙏🏼
匿名
這則留言已被刪除
已經刪除的內容就像 Dcard 一樣,錯過是無法再相見的!
香港專業教育學院
B15 唔係要最高學歷既成績咩 二技既話
國立臺北科技大學
B16你啱,唔好意思我會錯意
香港專業教育學院
B4 要唔要推薦信呢個可以去校網招生區睇 睇佢往年要求交咩文件 或者 海聯會個度睇下學校要收啲咩
南臺科技大學
咩學校其實睇你個人態度啫,有啲科係得科大有,或者某啲科某的學校會好啲,所以要自己揀,好難比意見你,代溝就唔洗驚,見到大把僑生年紀比同級大
國立臺北教育大學
讀完兩年asso先去台灣讀year1🙋🏿‍♀️ 老母:你早兩年去咪唔使洗我咁多錢 15分都去到想去嘅科嘅我:🙂
弘光科技大學
我讀左year 1就apply 左台灣既大學 攞咗兩張推薦信 你一定一定用聯招 因為有得揀嘅大學多好多 單獨招生嘅學校唔係特別高排名 除非你係護士或者係專科出到嚟唔睇學校淨係睇個牌
國立臺北科技大學
B21同意去聯招,我當時單招入咗呢間,我發現我如果透過聯招的話可以去啲更好嘅大學
國立高雄科技大學
科大體制的確係弱過普大,但如果係讀到台科/北科/(商類有埋北商)基本上可以同四中比拼; 但你要留意二技可以報嘅系所本身就少啲,有冇啱你心水嘅科係一個問題。 你本身有asso水平揀學校就唔好太低要求,科大嘅話下限唔好低過我哋同雲科,國立其他都勉強,至於私立科大就... 當然你就算聯招都唔一定唔揀科大,呢幾年如果喺差唔多收生分數下,同我哋同lv 嘅普大多數係私立學校,國立起碼洗費平啲,教學資源又無cut 得咁嚴重。 至於代溝?我自問同佢哋相處都ok,真係睇你個人造化,我考DSE 果陣中文仲有卷五,佔領中環仲未開始,咪又比党迫咗嚟台灣...