確診後回港流程

6月25日 15:06
我6月7日確診—>6月23日回港 機票同酒店一早訂好左 突然中左新冠 遲多一兩日中就差啲返唔到去 所以想同大家分享成個流程 同埋自己做個記錄 先睇睇香港政府&航空公司要求文件 如果你係確診過 需要文件同冇確診嘅人唔同
imgur
有齊以下文件就可以上到機 (各種文件姓名要同護照上姓名一樣) 1.護照&身份證 2.居留證/單次出入境 3.機票 4.香港隔離酒店入住憑證 至少住7日(要印出嚟) 5.康復證明 紙本 6.起飛前24小時內 抗原快速測試陰性結果 紙本 7. 疫苗小黃卡/黃皮書 前面1-3應該唔洗多講 直接由4開始 4.香港隔離酒店入住憑證 上面要有你名 入住時間 邊間酒店
imgur
⚠️ 留意返接種疫苗數量同品牌有沒有符合規定 符合先可以只book7日酒店
5.康復證明
imgur
下面doctor’s advice 有幾句我覺得好重要 幾乎決定你張康復證明有冇用 1.確診時間 2.已恢復 3.可以旅行 4.醫院印章 5.醫生簽名/印章 注意⚠️ 要確診後第15日 醫生先會開比你 例如:確診日6月7日—>第0日 可以開康復證明 6月22日—>第15日 >出發醫院前要準備好幾樣野 1.健保卡 有就拎冇就算 2.居留證 3.護照 4.隔離書 (印出嚟) 5.數位新冠病毒健康證明(印出嚟) ****要確保醫生冇打錯時間&其他資料*** 當時醫生睇我張數位新冠病毒健康證明 誤會左檢驗報告產出日期為確診日 正確係檢驗樣本採集日先係確診日 因為宜家只要自行快篩陽當日去醫院"得來速"就會當日通報上去 如果醫生仲唔係好明白就拎隔離書 隔離日期寫得好清楚由邊日開始 中華航空提供 (應該可以開康復證明/PCR/抗原快篩證明嘅醫院)
有d醫院旅遊醫學科一樣可以開各種證明 衛生福利部-台灣境內旅遊醫學科
***如果有旅遊醫學科就掛旅遊醫學科 冇就掛家醫科*** >請自行打電話確認可唔可以開康復證明< 6. 24小時內 抗原快速測試陰性結果 我因為岩岩好返 所以好容易出現陰陰陽陽 22號上午去左台中榮總做自費快速抗原 結果會用簡訊send比你 點知結果係陽!!
imgur
之後我再上網搵有冇醫院24小時自費快速抗原 因為大部分醫院只係上午可以測 點知真係比我搵到! 我再去測之前有打電話問 一日內有冇限次數 因為我怕再測都係陽 諗住最後起飛前幾個鐘再去測多次 結果醫院話 你想測幾多次都得 第二次測之前 我去藥房買左個洗鼻器洗鼻 因為如果鼻腔內有病毒屍體殘留 快篩結果一樣會測到陽性 最後結果!
imgur
之後就返去醫院拎紙本證明
imgur
有✅表示 你張證明基本要有嘅野 7.疫苗接種卡
imgur
我係台灣打左3針疫苗 但小黃卡(左)入面係寫居留證 所以我去拎康復證明時順便換成國際使用嘅黃皮書(右)上面係寫護照No. 至少返香港時一定唔會出錯 *小黃卡一樣可以回港 目前先打到嚟到 諗到有咩補充再打上去 -更- 之前係Dcard見到有人問 中左新冠 但唔通報上去 搏一搏PCR 其實我唔建議咁做 萬一搏唔到 就會通報上去 你回港時間只會延遲 因為就算你好返 但其實體內仲有D病毒 每間醫院有可能設定cycle值都唔同 (姐係PCR機器要倍大幾多次先停機) 例如: 如果有D設定cycle 40次停機 但假設你CT值36 PCR結果會係陽性 如果另一間醫院設定cycle 35次停機 PCR結果會係陰性 但你根本就唔會知人地醫院設定.... 最後祝福大家都能順利返到屋企 就算中左新冠亦能盡快康復回家
36
留言 56
文章資訊
2 篇文章2 人追蹤
共 56 則留言
你好好彩,我就係5月30號確診,但係本身6月10號就飛,呢㗎要延後到7月7號。 重點係我搞完離職,所有嘢準備就緒準備飛翻去,先嚟確診🤦‍♀️🤦‍♀️🤦‍♀️
國立清華大學
好有用呀唔該晒~ 另外想問吓文件第二點 居留證/單次出入境 係咪代表其中一樣就可以了?
sticker
中原大學
感謝!!!!
義守大學
有冇人知護照過左期,可唔可以用居留證辨登機🥲?
實踐大學
康復報告一定要出現你已康復嘅字眼?因為你做完自費快速抗原結果係陰性咪就得咩 因為我都唔太清楚 驚上機個陣先唔比我上
國立成功大學
世新大學
想問下落機仲洗唔洗仲pcr🙌🏻
國立彰化師範大學
如果我冇起台灣打過任何針2針都起香港打,咁係咪唔洗準備小黃卡?
逢甲大學
同你同一班機同酒店 原本諗住12點退房 依家仲等緊🫠
國立臺中教育大學
B0 想問下你個時PCR係喺臺中醫院做? 我PCR個間冇得開康復證明 但臺中醫院話PCR唔係佢就唔得 之後隔離PO話去網上掛號 但又唔知掛咩科 所以想問下你係點喺臺中醫到申請康復證明
國立政治大學
但有時中咗招你都真係唔想上報🤮🤦🏻‍♂️因為二人同住,佢要隔離你好麻煩
國立臺灣師範大學
你好 我宜家卡住係康復證明到但我聽日要飛請問係咪任何一間醫院都可以!?
世新大學
B12-6 咁你唯有聽朝睇急診,不過急診我都唔知會唔會開到俾你,因為我就係個陣去錯咗另一科掛門診醫生話開唔到比我叫我睇另一科但過咗門診時間,就無做到康復證明,搭國泰就照上到機~不過我哋唔同航空公司我就真係唔知啦…☹️
中原大學
借樓問 名單上桃園兩間醫院有旅遊醫學科 桃園衛生部網絡預約滿左,話吾會現場加 聯新醫院話冇康復證明依樣嘢,只有診斷證明書,甘其實康復證明同診斷證明書係咪同一樣野?重點係叫醫生寫明幾時確診、依嫁已康復依兩個重點?
B14 如果內容可以寫到幾時確診同埋已經康復 應該係可以 我之前問過其他醫院 診斷證明只會寫你幾時中過 唔知你個間會唔會寫 如果你個間診斷證明會寫埋你已經康復 可以係到留言嗎?我想update返內容🙇🏻‍♀️
國立臺北大學
想問下康復證明係咪一定要去醫院開?去診所叫醫生跟住打嚟開得唔得?係咪一定要有醫院個印?
實踐大學
想問下係咪一定要打3針先可以回港?
中原大學
B16 想問係咪一定要黃皮書?小黃卡可以嗎??