國立交通大學

一個澳門人係台灣畢業,目前在香港中環從事金融的心路歷程

6月29日 22:25
樓主是澳門人,中學成績不錯,但屋企窮,十幾年前報大學哥陣,只有諗過澳門、大陸同台灣,香港無諗過(我無hk id,被視為國際生,一年學費十幾萬),最後中學畢業哥陣拿到澳門大學和國立交大金融系的offer。 澳門的情況不像香港,澳門這邊因為沒有太好的本地大學,加上以前甚至到現在,不少政府高官都是台灣畢業,所以澳門這邊都會覺得台灣的台清交成政係名校。而香港這邊因為有很好本地的大學,所以香港人先會睇唔起台灣既大學。 講返正題。我十幾年前其實唔知自己鐘意讀咩major,亦無諗過自己鐘唔鐘意台灣或者係澳門以外的地方工作,所以當時覺得自己考到國立交大,在澳門名氣也不錯,就去讀了。但來到台灣後,有很多的不適應。首先新竹比較偏,風又大,又無咩好食;第二就是感覺自己好難融入台灣人;第三就是見到一齊入黎讀的香港人,都唔係香港好top哥種學生,搞到自己成個on9仔咁。第四就係國立交大好撚多理工又宅又毒的痴男。大一下哥陣已經覺得有些抑郁,好撚想轉學,哥時好想轉去大陸的上海交大,但係十幾年前哥陣D轉學渠道唔係咁暢通,當時澳門也沒有一個被外界認可的本地公開考試,可能只能去考港澳台聯考。但我哥陣人好撚龜縮,沒有勇氣休學一年去準備考,亦都無勇氣承認自己選錯地區讀大學既事實。所以最後大學四年一個真心朋友都無交,女又無識幾個,又無點玩,又試過比D小部分濕鳩台灣人洽,以幾乎患抑郁症的狀態去結束大學四年生活。曲終人散,含淚而終。 其實而家想想,如果想走finance路線,哥陣最好的策略係去報香港的大學。澳門的學生去報香港的大學,只需要附高中成績再考一個ielts或toefl就ok。我高中成績不錯,toefl 103分,都係有好大競爭力入。但哥陣我老母係窮鬼,屋企成日為左個幾蚊雞而嘈架,供唔起我去香港讀書,搞到我發唔到圍。 學士畢左業返澳門後,我用台灣學歷係澳門搵工都係好暢通,有幾間大型的中資銀行同港資銀行既MT program都要左我,跟住我就做左幾年。後黎覺得自己仲後生,可以再讀個master。哥時諗住兩個地方,一係去香港,一係去北京清華。我心明香港的taught master都係讀一年,無undergraduate咁好,都係同返D大陸人一齊讀,所以我最後經過面試選拔後,就黎左北京清華讀金融了。 碩士期間,我好努力補返以前唔識既野,一畢業就有間base係大陸既大型中資投行要左我,跟住做左幾年野後,成功跳槽到香港中環的某個中資投行,現在月薪都有7萬一個月。 其實打呢篇野,一方面係想記錄自己undergraduate沒有去香港讀既遺憾,我覺得當時自己具備實力去衝一衝;另外一方面係想比現在既後生仔一些啟示。如果你地以後想做finance的工,咁你地學士都係盡可能留返係hk啦。如果真係留唔到hk,咁你畢業之前都要有起碼幾份有含金量高的intern,返到去hk搵工哥陣先有競爭優勢。而且話比你地聽,係大陸搵工就係好睇你個bachelor咩學校,就算你master去到哈佛都好,人地都會嫌你bachelor唔夠好而唔要你。我的台灣學歷在大陸搵工真係好輸蝕,呢個真係事實,但重點就係,你點樣用你獨特的優勢去彌補這個缺陷。共勉。
29
留言 14
文章資訊
Logo
每週有 20 則貼文
共 14 則留言
國立臺灣大學
對於融入唔到台灣人有同感 唔係識唔到人 只是好似點都有距離感 可能大學就係咁?
師兄方唔方便加contact ? 小弟background&經歷同你差唔多,都係礙於現實原因所以條路好迂迴曲折,依加算係入到行但又好似入得半隻腳,未算係完全好似你咁成功。請問可唔可以請教下你人生RPG攻略🥲🥲
夠曬勵志
重慶交通大學
B0 這樣看你的職業生涯最關鍵一步是去 北京清華大學 讀碩士,繼而入到中資投行。 去台灣讀新竹交大幫助不大,新竹以至台灣的投行職位同實習機會比北京上海香港都少一大截。台灣的大學,即使是頂大,亦不在大陸投行券行的list of target schools內
現時大陸要進投行券商已經極內卷,不同於十多年前。