國立東華大學

香港申請HF169居留特別經驗(文長)

7月29日 15:41
前情提要
想睇一般點做可以睇呢位前輩既文章,講得非常仔細。咁我中國出世,目前補左兩次件,仲等緊消息。雖然有機會比人reject,我覺得我有d幾特別既經驗,所以分享下。 因為我改過名,要去入境處申請登記事項證明書,我事前有打電話去預約,但去到都係要攞籌等,份野等一個月就有。 不過要留意返政府部門有冇因為疫情關閉非緊急服務,之前疫情爆到好勁果陣,入境處淨係搞身份證果d,我張野係申請居留deadline前幾日先攞到。 我申請文件時間次序:良民證➡️保證書➡️入境處說明事項證明➡️稅務證明➡️體檢➡️公證➡️文件驗證➡️交件 我申請之後一個月移民署就透過電郵寄補件通知單比我,他就要求我寫來台居留規劃同說明會唔會辭左e+呢份工。佢send email同時有打比保證人提我睇email,同埋張規劃佢要簽左名既正本,連埋個通知單寄比佢地或者搵人臨櫃辦理。 咁我寫左1700字左右,講下帶幾多錢去台灣邊度居留,會洗幾多錢之類。上網搵唔到其他人寫咩,不過我覺得想去台灣生活既都唔難寫。 第二次補件就係關於我之前係台灣比人告既事,所以如果係台灣有官非既,一定要keep住最後果張野。 咁移民署再send email話查到我之前涉嫌一個案件,要我比不起訴處分書或者法院結案證明。但係最麻煩係呢個案件我做完筆錄,等左成年一d消息都冇,跟住我就返左香港。我以為單案冇事啦,因為我自己冇收過任何消息。 打長途去當時做筆錄既派出所又話冇record要我打去地檢署,跟住我打比地檢署就要我傳真我既身份證明文件同說明要d咩。而且要搵人幫我聽地檢署電話,他唔會打國際電話返黎。 Fax同國際電話可以用手機app搞,不過都要收費 咁我fax完我朋友好快收到電話話單案不起訴,我要申請張不起訴證明,就要我寫張委託書比我朋友,叫佢臨櫃申請,張野要等兩個禮拜先會寄到朋友度。跟住我朋友就通知單+不起訴處分書一齊交去移民署。 呢個其實搵律師搞會穩陣d既,因為可能要再去上級機關甚至要搵香港辦事處幫手。但好彩我係不起訴同埋地檢署人員樂意幫手,所以先冇咁麻煩。 目前係咁多先,補件都係限期三個月,如果期限內補唔到件要兩個月內寄信說明。 移民署要我第二次補件果陣搞到我想放棄既,本身對申請結果都有d悲觀。不過係台灣既朋友好願意幫手,所以申請補哂件都叫仲有機會,希望順利🙏
愛心
10
留言 14
文章資訊