有冇人去咗台灣之後想返番香港讀書?

2022年8月16日 21:56
最近不斷有想返香港讀書嘅諗法,黎到台灣之後發現香港同台灣真係相差太遠,無論係文化上定教育上,甚至係溝通上都好難互相理解到彼此嘅背景,就算喺度識到啲台灣朋友,都好似冇同香港啲朋友一齊相處咁輕鬆自在,搞到依家喺度其實好冇歸屬感⋯同台灣人相處都好冇共鳴感,變相喺度同人相處淨係識附和人,唔敢發表己見。 加上喺度冇親戚冇香港嘅朋友,我讀nursing又全級都係台灣人,得我一個香港人,其實真係好辛苦。 所以我想返黎香港度讀返書,但家人超級反對,一黎屋企已經冇乜錢再比我返嚟重頭讀起,二黎我之前retake咗一年,但係都冇比心機好好讀書,屋企人唔相信我返到黎真係會好好努力,諗返其實都好後悔⋯⋯而且屋企其實係想出外國移民,而我就幾肯定如果唔返黎讀書,可能就冇機會出去,因為我係讀緊nursing,台灣全中文教學,而考外國nursing牌一定係用英文考,如果我係返黎讀嘅話,就可以用返英文學而可以更方便去考外國nursing牌。 依家我目前準備升year2,所以想問下係咪唔可以返黎讀返大學嘅year2,一定要由頭再讀過?定係其實我應該要放低呢件事,喺台灣好好讀完四年再搵方法出去會好啲⋯⋯🙏🏻
愛心嗚嗚
25
留言 41
文章資訊