點撐黃色經濟圈? #你今日黃咗未?

2月20日 11:34
唔理政見如何,相信黃色經濟圈都對香港人有一定影響。 喺消費定係營商上都有自己既定嘅立場,再者同本身香港人嘅消費模式都有好大出入。雖然小弟讀econ出生,但今日唔係同大家講經(濟),想表達吓個人意見同埋探討吓大家睇法。 成日講黃圈work唔work,不如諗吓一個長遠嘅黃圈應該係點?市民撐黃店>黃店賺到錢>回饋社會同手足 做成一個loop。就算做到極致唔買任何made in ChiNa嘅材料自給自足,又會返到去藍色地主...香港嘅土地問題...地產霸權上。 何謂黃店 放埋一邊單純睇店主立場,黃店嘅準則應該點標定?有痴memo紙,播黃絲歌,整連儂,有decor,派水,罷工。。。藍店扮黃?網友指出係黃店? 其實門檻太高對我哋真係冇好處,FC係需要,但好多時根本冇絕對嘅FC,網民留言你唔會知佢係打手定點,同埋老闆傾計佢都可以係呃你。所以我個人而言,信就好了!FC作為基本,之後嘅都係講個信字,那管佢係藍扮黃,我就係要就算你係藍店都唔敢表態,呢個都係全面黃色經濟圈嘅一步。消費運動人血曼頭係可恥,都係唔抵幫,但等時機政局許可先作清算都未遲。就好似捉血咁,比你知道咗佢係真鬼,你未必做到乜,但你捉錯鬼,人地身心都可以有好大損害! 溫馨提示,成日話黃店好難食,真係當大家係手足嘅話唔好淨係上網鬧佢/盲撐佢,出聲提醒下佢話比佢聽點樣改善對大家都好! 分散投資 介紹黃店嘅page/app話多唔多話少唔少,市民幫襯任何鋪頭前真係唔好懶,做多步FC吓佢係乜色。一來我諗你都唔想幫襯咗藍店!同時亦都唔好因為懶,淨係去知名黃店到消費。做多步可能你會發現你日日經過嘅地方都會有黃店。香港人永遠都係失去先識珍惜,告急嘅店舖其實唔到Deadline都唔會出聲,有時告急只係比佢哋止蝕離場,所以分散幫襯每間黃店係必須嘅!成個市而家咁,營商已經好難,更何況係有表態嘅黃店呢?所以消費前唔好懶,做多步搵/確認更多黃店。Share吓ig fb比更多人知道佢係黃! 堅持!比啲掙扎! Last but not least~講到最後要靠嘅都係大家嘅堅持!每一份堅持先係推動黃色經濟圈嘅動力,不論黃店堅持表態唔跪低,定係市民堅持消費黃店。冇錯當中可能有好多嘅不便,要搵要FC,最近最平嘅可能係藍店。我好希望大家記得點解當初要推行黃色經濟圈!希望黃色消費會成為大家嘅習慣,完全融入大家嘅生活! 講咗好多,大家可能就係差踏出嘅第一步! #你今日黃咗未? 挑戰大家 • 一星期七日 幫襯5間黃店/嗌外賣 •第一身去介紹返嗰間小店 • 打卡出post/story喺社交媒體+hashtag #你今日黃咗未 • Tag 6個fd 挑戰佢哋傳開個game 希望逹到 >親身落力支持黃店 >宣傳黃店 >令更多隱世小店浮上嚟
愛心
50
.回應 0
馬上回應搶第 1 樓...