覺得自己樣衰好冇自信,個人好灰

4月17日 23:42
我細個開始就嘴突哨牙,一放鬆個口合唔埋,中學之前我都冇特別去介意同留意外表,但到上咗中學嘅時候就開始有人會笑我個嘴,話我樣衰,影我醜態之後成班笑,嗰陣開始我就開始好介意自己個嘴,唔敢笑,唔鍾意影相,會好刻意咁合埋個嘴(合埋成個苦瓜乾咁,唔合就咁放鬆又似個傻仔),之後我去箍牙,但牙醫同我講我係骨性哨牙(姐係箍完啲牙會齊左,但係個嘴都係咁突),我照箍,結果箍完個嘴真係冇乜改變,係啲牙齊咗,唯一好就係講野同笑個陣好睇同順眼好多,但個嘴一放鬆同冇表情嘅時候同之前一樣,導致我而家成日係人面前假笑講野,係咪都笑笑口(因為唔想人見到我個口放鬆個樣同埋我就算合埋口都會格硬下巴用力,咁樣好睇啲),唯獨同屋企人相處我先敢放鬆自己,我覺得好辛苦😢,個人好攰,有諗過自殺(不過唔想媽咪傷心,放棄咗),個人好冇自信,由其呢幾年疫情,戴口罩遮咗個嘴靚仔咗,成日驚比人見到除罩會話我樣衰或者鄙視我,真係好灰,有諗過整容,但疫情關係同驚失敗。 中學畢業之後,hd都識到班fd有男有女,但我都仲係放底唔到中學個陰影,返學返工都會好在意人哋點睇,就算係條街擦身而過都會好介意人哋點睇,算唔算變咗病態🥲。 試吓鍾意一個女仔表白,結果好人卡,從此之後我就唔敢追女仔,因為覺得自己樣衰 唔配。 成日係街見到啲人拍拖,都會好心酸, 24歲仲手都未拖過 係度發洩完 舒服啲 多謝大家睇哂🙇‍♂️
愛心
1
留言 4
文章資訊